Keçid linkləri

2024, 28 Mart, Cümə axşamı, Bakı vaxtı 13:32

Ermənistanın Qazaxla həmsərhəd Tavuş bölgəsində rusiya sərhədçiləri yerləşdirilib


Ermənistanın Azərbaycanla həmsərhəd Tavuş bölgəsi
Ermənistanın Azərbaycanla həmsərhəd Tavuş bölgəsi

Ermənistanın Tavuş vilayətində, Əskipara kəndinin yerləşdiyi rayonda Rusiya sərhədçiləri yerləşdirilib.

Bu barədə, AzadlıqRadiosunun Ermənistan xidməti avqustun 5-də Ermənistanın Müdafiə Nazirliyi-nə istinadla məlumat yayıb.

Kütləvi informasiya vasitələrinin nazirliyə istinadla verdikləri məlumatlara görə, bu ərazidə yerləşdirilmiş Rusiya sərhədçiləri artıq arxa cəbhədə sərhədçilər üçün köməkçi obyektlərin tikintisinə başlayıblar.

Ermənistan Müdafiə Nazirliyinin məlumatına görə bu proses, Ermənistanla Rusiya arasındakı əməkdaşlıq çərçivəsində həyata keçirilir.

Qeyd edək ki, 44 günlük son Qarabağ savaşı və 3 tərəfli atəşkəs razılaşmasından sonra, mətbuatda, Ermənistanın Tavuş vilayəti ilə həmsərhəd olan Azərbaycanın Qazax rayonunun anklav kəndlərinin yenidən Azərbaycana qaytarılması barədə məlumatlar dolaşır. Hələlik bu məsələylə bağlı son durum barədə elə bir rəsmi açıqlama yoxdur.

Yuxarı Əskipara sakinləri: Ümid edirik, işğal edilmiş kəndlər geri alınar
Gözlə

No media source currently available

0:00 0:03:50 0:00

Qazax rayonunun işğal olunmuş 7 kəndi.

Qeyd edək ki, 1992-ci ildə Azərbaycanın Qazax rayonunun 7 kəndi - Sofulu, Barxudarlı, Bağanis Ayrım, Qızıl Hacılı, Yuxarı Əskipara, Aşağı Əskipara və Xeyrimli kəndləri Ermənistan tərəfindən işğal olunub.

Bu kəndlərdən üçü - Sofulu, Barxudarlı və Yuxarı Əskipara Azərbaycanın Ermənistan ərazisindəki anklavlarıdır.

Xatırlatma

Azərbaycan 2020-ci ildə 44 günlük müharibə və həmin il noyabrın 9-da imzalanmış 3 tərəfli atəşkəs razılaşmasması ilə, Qarabağın bir hissəsini və ətraf 7 rayonu Ermənistanın işğalından azad edib. Qarabağdakı erməni icmasının yaşadığı Azərbaycan əraziləri ilə Azərbaycan ordusu arasındakı təmas xəttində isə Rusiya hərbçiləri yerləşdirilib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG