Yeni Azərbaycan Partiyasının (YAP) İdarə Heyəti oktyabrın 16-da keçirdiyi iclasda Prezident Administrasiyasının sabiq rəhbəri Ramiz Mehdiyevi partiya sıralarından xaric edib. Dövlətə xəyanət və hakimiyyəti zorla ələ keçirməyə cəhddə ittiham olunan keçmiş məmur barəsində verilən bu qərarı ekspertlər onun siyasi təsirini tamamilə sıfırlamaq addımı kimi qiymətləndirirlər. Diqqətçəkən digər bir məqam isə elə həmin iclasda baş nazirin keçmiş müavini Əli Həsənovun YAP Veteranlar Şurasının sədr müavini postuna gətirilməsi olub.