Keçid linkləri

Təcili xəbərlər
2018, 17 Dekabr, Bazar ertəsi, Bakı vaxtı 02:58

'Həkim qardaşımı taxtayla vurub'


Foto illüstrasiya

«Əlil arabasında gətirdilər, halı üstündə deyildi. Dedilər, «apar, bir yoxlatdır». Apardım, rentgen elədilər, məlum oldu ki, bud sümüyündə səkkiz yerdən sınıq var. Hadisənin üstündən 1 ay 15 gün keçib, xəstə qardaşımla kobud davranan, vaxtında tibbi yardım göstərməyən həkimlərlə bağlı heç bir tədbir görülməyib».

«QARDAŞIM ÖZÜNDƏ DEYİLDİ»

Qəbələ sakini Ramin Musayev AzadlıqRadiosuna 1 saylı Respublika Psixiatriya Xəstəxanasının rəhbərliyindən şikayətçi düşüb. O, həmin xəstəxanada müalicə alan 35 yaşlı qardaşı Namiqin döyülərək ayağının sındırıldığını və tibbi yardım göstərilmədiyini, bununla bağlı şikayətlərinin araşdırılmadığını deyir.

***Buna da bax-İmişlidə ruhi xəstələr evdən qaçır...

R.Musayevin sözlərinə görə, bu il fevralın 21-də xəstəxanadan ona zəng vuraraq qardaşının vəziyyətinin ağırlaşdığını deyiblər və təcili xəstəxanaya gəlməsini tapşırıblar. R.Musayev özünü xəstəxanaya çatdırıb, gördüyü mənzərədən məyus olub: «Qardaşımı əlil arabasına qoymuşdular, özündə deyildi, dedilər ki, təcili apar bir yerdə müayinə etdir, gör buna nə olub. Mən də apardım rentgen elətdirdim, dedilər, ayağının bud sümüyündə 8 sınıq var, ancaq yardım göstərmədilər. Mən də məcbur olub Səhiyyə Nazirliyinin qaynar xəttinə zəng vurdum».

«HƏKİMLƏR ONUNLA KOBUD DAVRANIB»

Səhiyyə Nazirliyi məsələ qarışandan sonra R.Musayev qardaşını 3 saylı Şəhər Klinik Xəstəxanasına aparıb. Orada Nazirliyin tapşırığı ilə xəstəyə lazımi tibbi yardım göstərilib, o, xəstəxanada bir neçə gün stasionar müalicə alıb. R.Musayev məsələni araşdırmağa çalışanda psixiatriya xəstəxanasının əməkdaşları ona xəstə qardaşının yıxıldığını deyiblər. R.Musayev əməkdaşların dedikləri ilə kifayətlənməyib, xəstəxanada müalicə alan xəstələri danışdırıb: «Qardaşımla eyni şöbədə saxlanılan bir neçə xəstə ilə söhbət elədim, dedilər ki, həkim Namiqi taxtayla vurub, Namiq də yerə yıxılıb, qışqırtısı aləmi götürüb. Aparıb otaqlardan birinə salıb qapını bağlayıblar. Xəstələrdən öyrəndim ki, həkimlər onlarla kobud davranır».

***Buna da bax-'Dəli kişi'nin hayqırtısı

R.Musayev qardaşının başına gələnlərin araşdırılmasını tələb edir: «Hətta özü yıxılmışdısa da, nəyə görə xəstəyə yardım göstərilməyib, ayağında səkkiz sınıq olan adamın bağırtısına da məhəl qoyulmayıb, huşunu itirənə qədər bağırıb, ancaq yardım göstərilməyib? Gözləyiblər ki, qardaşı rayondan gəlsin, aparıb müayinə, müalicə etdirsin. Bu da məndə belə fikir yaradıb ki, qardaşımı həqiqətən də həkimlər bu vəziyyətə salıb».

«NİYƏ SƏS-KÜY SALIR, ANLAMIRIQ»

Lakin xəstəxananın rəhbərliyi belə düşünmür. 1 saylı Respublika Psixiatriya Xəstəxanasından «Qaynar xətt»ə bildirilib ki, xəstə N.Musayevin qardaşının dedikləri həqiqətəuyğun deyil: «Xəstələrə lazımi diqqət də var, qayğı da... O adam neçə vaxtdır ki, öz iddiasını tutub dayanıb ki, guya qardaşını həkimlər bu vəziyyətə salıb. Xəstə sürüşüb, yıxılıb, ayağını qırıb. Həkimlər onu rentgen ediblər, yardım göstəriblər. Qardaşı niyə əl çəkmir, niyə səs-küy salır, nə marağı var, anlamırıq».

R.Musayevsə hələlik Səhiyyə Nazirliyinə müraciət edib. Deyir, hadisə araşdırılmasa, hüquq-mühafizə orqanlarına üz tutacaq.

Siz də şikayətinizi buradan göndərə bilərsiz

ƏLAQƏ ÜÇÜN

Çəkdiklərinizi, eləcə də şikaylətlərinizi bizə WhatsApp-dan başqa,

XS
SM
MD
LG