Keçid linkləri

2024, 03 Mart, bazar, Bakı vaxtı 18:54

“Qazprombank” da Venesuela Dövlət neft şirkətinin hesabını dondurur


Venesuela Dövlət neft şirkətinin neft anbarı
Venesuela Dövlət neft şirkətinin neft anbarı

“Qazprombank” ABŞ-ın sanksiyalarına görə Venesuela Dövlət neft şirkətinin (PDVSA) hesabını dondurmaq qərarına gəlib.

Bu barədə Reuters agentliyi fevralın 17-də “Qazprombank”dakı mənbəə istinadla xəbər verir. Amma rəsmi bank hələlik məsələyə münasibət bildirməyib.

Reuters ayən əvvəllərində xəbər vermişdi ki, PDVSA şirkəti birgə müəssisələri, neft pullarını “Qazprombank”dakı hesaba köçürməyi məsləhət görüb.

Bank Venesuela şirkətinin onda hesabı olmasını təsdiqləmiş, amma bildirmişdi ki, bu hesab sanksiyalardan bir qədər əvvəl açılıb.

Buna da bax:Venesuelanın dövlət neft şirkəti sanksiyaya görə “Qazprombank”- da hesab açıb

ABŞ-ın sanksiyalarında PDVSA şirkətinin bütün aktivlərinin dondurulması nəzərdə tutulur.

ABŞ bəyan edib ki, sanksiyada məqsəd, Vaşinqtonun qeyri-leqitim saydığı Maduro hakimiyyətini neft gəlirlərindən məhrum etməkdir.

Qeyd edək ki, Vaşinqton həmçinin Venesuelanın Birləşmiş Ştatlardakı aktivlərini dondurub və ona nəzarəti müxalifət lideri Juan Guaido-ya verib.

Müxalifət lideri və parlamentin sədri Juan Guaido ötən ay özünü müvəqqəti ölkə başçısı elan edib və bundan sonra ABŞ, Kanada, bir sıra Iatın Amerikası və Avropa Birliyi ölkələri onun legitimliyini qəbul ediblər.

Rusiya isə Venesuela böhranında prezidentliyini qorumağa çalışan Nicolas Maduronun tərəfini saxlayır və Birləşmiş Ştatları bu ölkənin daxili işlərinə qarışmaqda günahlandırır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG