Keçid linkləri

Təcili xəbərlər
2020, 05 Dekabr, şənbə, Bakı vaxtı 01:19

Putin jurnalistlərin qarşısına itlə çıxıb


Vladimir Putin və Yume

Rusiya prezidenti Vladimir Putin yaponiyalı jurnalistlərlə görüşə iti ilə çıxıb. Akita cinsindən olan Yume adlı iti V.Putin-ə Yaponiyanın Akita vilayəti rəsmiləri 2012-ci ildə hədiyyə ediblər.

Yaponiyanın «Nippon» telekanalı və «Iomiuri» qəzetinin əməkdaşlarıyla görüşən prezident onların Yume ilə tanış olmaq istədiyini eşitdiyini, ona görə də itlə gəldiyini deyib.

Jurnalistlər görüşün belə başlamasına təəccübləndiklərini, həm də qorxduqlarını bildiriblər.

«Düz edirsiniz, qorxursunuz. O doğrudan da zabitəli itdir. Burada çox adam var, kameralar işləyir, işıqlar yanır və o, qoruyucu funksiyasını yerinə yetirir», - deyə prezident itinin davranışının səbəbini izah edib.

V.Putin bu zabitəli itin onu həmişə qoruduğunu deyib.

Vladimir Putin Baff və Yume ilə oynayır.
Vladimir Putin Baff və Yume ilə oynayır.

Akita cinsi Yaponiyanın ən məşhur it cinslərindədir. Bu cins baş rolu Richard Gere-in ifa etdiyi «Hatiko» filminə görə məşhurlaşıb.

Rusiya prezidentinin ev heyvanlarına marağından çoxlarının xəbəri var. Qonaqları Sergei Shoigu-nun hədiyyə etdiyi labrador Koni, bolqar ovçarkası Baff ilə tanış olduqlarını deyirlər.

Yaponlar bu günlərdə Tokioya səfərə hazırlaşan V.Putin-ə yenə it vermək istəyirdilər. Amma Yaponiya Rusiya prezidentinin ikinci hədiyyədən imtina etdiyini bildirib.

Şərhlər (1)

Bu forum dayandırılıb
XS
SM
MD
LG