Keçid linkləri

2024, 29 Mart, Cümə, Bakı vaxtı 08:41

Kreml ABŞ-ı Rusiya oliqarxlarını Putinə qarşı qoymaqda ittiham edir


Kreml Bitləşmiş Ştatları Rusiyanın biznes elitasını gələn il keçiriləcək seçki ərəfəsində prezident Vladimir Putinə qarşı qoymaq cəhddə ittiham edib.

Putinin sözçüsü Dmitri Peskov noyabrın 30-da jurnalistlərə deyib ki, o adını çəkmədiyi beynəlxalq xəbər agentliklərinin birindən yazılı suallar alıb.

Onun dediyinə görə, suallardan biri belə olub: “Siz belə bir fikirlə razısınızmı ki, ABŞ hakimiyyəti sanksiyalardan Rusiya prezidentinin varlı dəstəkçilərini ona qarşı qoymaq üçün istifadə edir?”

Peskov deyib: “Mən əminəm ki, həqiqətdə də məhz bu baş verir”.

Peskovun sözlərinə görə, başqa bir sual belə idi: “Düşünürsünüzmü ki, ABŞ-ın belə cəhdləri prezident seçkisi ilə bağlıdır?”

Peskov bu sualın cavabında da “biz buna əminik” deyib.

Vladimir Putin martın 18-də keçiriləcək seçkidə dördüncü müddət üçün namizədliyini hələki elan etməyib.

Amma baş nazir Dmitri Medvedev noyabrın 30-da jurnalistlərə deyib ki, əgər Putin seçkidə iştirak etmək qərarına gəlsə, Vahid Rusiya partiyası onu tamamilə dəstəkləyəcək.

Putinin bu seçkidə iştirak edəcəyi və asanlıqla qalib gələcəyi gözlənilir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG