Keçid linkləri

2024, 19 Mart, çərşənbə axşamı, Bakı vaxtı 14:28

Pelosi Trampa qarşı ittihamnaməni Senata göndərməyə hazırlaşır


Nensi Pelosi imiçment qərarını nümayiş etdirir
Nensi Pelosi imiçment qərarını nümayiş etdirir

ABŞ Nümayəndələr Palatasının spikeri Nensi Pelosi Donald Trampa qarşı impiçment ittihamnaməsini yanvarın 25-də Senata göndərməyi planlaşdırır.

Bu, keçmiş prezidentin “qiyamı qızışdırmaq” ittihamı üzrə mühakiməsi prosesinin rəsmən başlanması olacaq.

Tramp yanvarın 6-da qaragüruhun Konqresə basqınını qızışdırmaqda günahlandırılır.

Senat çoxluğunun rəhbəri Çak Şumer mühakimə prosesinin cədvəli barədə məlumat verib.

O yanvarın 22-də deyib ki, “Birləşmiş Ştatların Senatında keçiriləcək mühakimə prezidentin məhkum edilib-edilməməsi barədə hökm çıxarmalıdır”.

Tramp ABŞ tarixində iki dəfə impiç edilən və müddəti bitdikdən sonra mühakimə olunan ilk prezidentdir.

O yanvarın 20-də ABŞ ənənələrini pozaraq yeni prezident Co Baydenin inaqurasiyasına qatılmayıb və Floridadakı evinə gedib.

Demokratlar sürətli mühakimə istəyirlər

Yanvarın 6-da Kapitoliyə edilmiş hücum nəticəsində 5 nəfər həlak olub.

Bu zorakılıqdan əvvəl Tramp seçkidə əslində uduzmadığı, səsvermənin saxtalaşdırıldığı barədə əsassız iddiaları bir neçə dəfə səsləndirmişdi.

Onun bu iddialarını onlarca dəfə ABŞ-ın müxtəlif məhkəmələri rədd etmişdilər.

Adətən impiçment ittihamnaməsinin Senata göndərilməsi mühakimənin başlanmasına dərhal start verir, lakin Trampın nə vaxt mühakimə olunacağı naməlum qalır.

Nümayəndələr Palatasındakı demokratlar daha sürətlə hərəkət edilməsini istəyirlər.

Onlar deyirlər ki, Konqres bu məsələyə nöqtə qoyub, gələcək fəaliyyətinə davam etməlidir.

Trampa müdafiə üçün vaxt

Amma respublikaçılar mühakimənin fevraladək yubadılmasını rica ediblər. Onlar bildirirlər ki, keçmiş prezidentin öz müdafiəsinə hazırlaşması üçün ona vaxt verilməsi lazımdır.

Ləngimə təklifini bir sıra demokratlar da dəstəkləyirlər. Onların fikrincə bu müddətdə Senat hökumətin yeni nazirlərinin təsdiqlənməsi dinləmələrini keçirə bilərdi.

Senat respublikaçılarının lideri Miç Makkonnell yanvarın 21-də təklif etmişdi ki, Nümayəndələr Palatası ittihamnaməni yanvarın 28-də göndərsin.

Onun fikrincə, bundan sonra Trampın müdafiə komandasına və Nümayəndələr Palatasının ittihamçılarına hazırlaşmaq üçün iki həftə vaxt verilməlidir.

Müşavirinin verdiyi məlumata görə eks-prezident Senatda müdafiə olunması üçün Baç Bauersi vəkil tutub.

Bauers prezident Corc Buşun vaxtında Ədliyyə Nazirliyində səsvermələr üzrə xüsusi müvəkkil kimi çalışıb.

O habelə Cənubi Karolinanın iki keçmiş qubernatoruna - Niki Haleyə və Mark Sanforda müşavirlik edib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG