Keçid linkləri

Təcili xəbərlər
2018, 13 Dekabr, Cümə axşamı, Bakı vaxtı 03:50

‘Trump-ın BMT səfiri’ deyir ki, Rusiyaya inanmaq olmaz


Nikki Haley

Donald Trump-ın ABŞ-ın BMT-dəki səfiri vəzifəsinə namizədi yanvarın 18-də Senatda keçirilən təsdiq dinləməsində Rusiyanı kəskin tənqid edərək deyib ki, Moskvaya inanmaq olmaz. Lakin o eyni zamanda bildirib ki, Kremllə “antiterrorizm və başqa məsələlərdə” əməkdaşlıq mümkündür.

Cənubi Karolina ştatının qubernatoru 44 yaşlı Nikki Haley deyib ki, Moskva “əzələ nümayiş etdirir” və “sərhəd tanımır”.

"Düşünmürəm ki, biz onlara etibar edə bilərik, - deyib xanım Haley, - Düşünürəm ki, biz onlara nəyisə verərkən onlardan əvəzində nə alacağımızı əvvəlcədən bilməliyik”.

Maraqlıdır ki, seçki kampaniyası zamanı Nikki Haley Trump-ı tənqid edirdi və hətta onun rəqibi respublikaçı Marko Rubio-nu dəstəkləyirdi.

Senat onu təsdiq edərsə, diplomatiya sahəsində demək olar təcrübəsi olmayan Haley BMT-nin səfiri vəzifəsində Rusiyanın Suriyaya müdaxiləsini və Krımın ilhaqını kəskin tənqid edən Samantha Power-i əvəz etməlidir.

Senat dinləməsində xanım Haley deyib ki, Krım-ı Ukrayna ərazisi hesab edir. Bu, əslində BMT-nin 100-dən çox ölkəsinin mövqeyidir.

Nikki Haley deyib ki, Moskva öz kursunu dəyişməsə, Rusiya üzərinə Ukraynaya müdaxiləyə görə qoyulmuş sanksiyalar saxlanmalıdır.

Haley habelə deyib ki, Rusiya Suriyada, xüsusən də Hələbdə törətdiyi “dəhşətli qırğınlara” görə məsuliyyət daşıyır.

Lakin BMT səfirliyinə namizəd bunu da əlavə edib ki, ABŞ terrorla mübarizədə Kremlin dəstəyinə çalışmalıdır.

Günün bütün mövzuları

XS
SM
MD
LG