Keçid linkləri

Təcili xəbərlər
2019, 15 Oktyabr, çərşənbə axşamı, Bakı vaxtı 09:56

Neftin qiyməti düşüb


Sentyabrın 30-da Brent markasından olan neftin qiyməti 1, 9 faiz azalaraq bir barrel üçün 60.75 dollar olub. ABŞ neftinin qiyməti 3, 3 faiz düşüb və hazırda onun bir barrelinin qiyməti 54.07 dollardır.

CNBC yazır ki, Təhlilçilər bunu Çin iqtisadiyyatının hələ də yavaşımada olması ilə bağlayırlar.

Ümumilikdə isə sentyabr ayında baş vermiş sabitsizliyə baxmayaraq neftin qiyməti kifayət qədər stabildir.

Buna baxmayaraq Brent neftinin dördüncü rübdə 8, 6 faiz ucuzlaşacağı proqnozlaşdırılır. Bu onunla bağlıdır ki, ABŞ və Çin arasında ticarət müharibəsinin qlobal iqtisadiyyatı yavaşadacağından ehtiyatlanmalar var.

Dünyanın ən böyük neft alıcısı olan Çin xəbərdarlıq edib ki, onunla ABŞ arasında davam edən ticarət çəkişməsi beynəlxalq bazarların sabitliyini poza bilər.

Bəzu mənbələr Trump administrasiyasının Çin şirkətlərinin adlarını ABŞ birjalarından çıxarmağı planlaşdırdığını xəbər verirlər.

Səudiyyənin Aramco şirkəti 14 sentyabr hücumundan sonra ötən həftə hasilatı tam miqyasda bərpa edib. İndi hasilat gündə 11, 3 milyon barrelə çatıb.

Bununla belə bazarlarda Yaxın Şərqdə gərginliyin arta biləcəyindən narahatlıq davam edir.

Təhlilçilər bildirirlər ki, Brent neftinin 2019-cu il üçün orta qiyməti 65.19 dollar civarında qalacaq.

Şərhlər

Günün bütün mövzuları

XS
SM
MD
LG