Keçid linkləri

Təcili xəbərlər
2019, 15 Oktyabr, çərşənbə axşamı, Bakı vaxtı 10:21

Xəbərdarlıq: Neftin qiyməti kəllə-çarxa çıxa bilər


Arxiv fotosu

Beynəlxalq ictimaiyyət İrana qarşı “güclü və qətiyyətli” mövqe ortaya qoymazsa, neftin qiyməti “təsəvvür edilməyəcək səviyyəyə qalxar”. Belə bir xəbərdarlıqla Səudiyyə Ərəbistanının Vəliəhd şahzadəsi Mohammed bin Salman çıxış edib.

“Dünya İranın qarşısını alacaq güclü və qətiyyətli mövqe göstərməzsə, vəziyyətin qızışacağını, bunun dünyanın maraqlarına təhdid yaradacağını görəcəyik”, – vəliəhd şahzadə ABŞ-ın həftəlik “60 dəqiqə” xəbər proqramına deyib.

Müsahibə sentyabrın 29-da yayınlanıb. Bundan 15 gün öncə Səudiyyənin neft obyektlərinə dron zərbələri endirilib, ölkənin xam neft hasilatının 50 faizi, dünyanın isə neft təchizatının 5 faizi kəsilib.

Mohammed bin Salman
Mohammed bin Salman

Səudiyyə Ərəbistanını de-fakto idarə edən şahzadə, eləcə də ABŞ-ın Dövlət katibi Mike Pompeo bu hərəkəti müharibə adlandırıb. Onların hər ikisi 14 sentyabr hücumuna görə Səudiyyənin əzəli düşməni İranı ittiham edib.

Fransa, Almaniya və Britaniya da hücuma görə Tehranı suçlayıb.

İran hücumda əli olmadığını deyib. Dron hücumlarına görə məsuliyyəti Həməndəki husi üsyançıları götürüb.

Vəliəhd şahzadə hərbi deyil, siyasi həllə üstünlük verdiyini deyir, çünki sonuncu qlobal iqtisadiyyatın çökməsi ilə sonuclanar

“Siyasi və dinc həll yolu hərbidən daha yaxşıdır”, – o vurğulayıb.

Günün bütün mövzuları

XS
SM
MD
LG