Keçid linkləri

Təcili xəbərlər
2019, 15 Oktyabr, çərşənbə axşamı, Bakı vaxtı 22:47

Ağ Evdən Ukraynaya yardımın gecikdirilməsinə dair sənədlər tələb edilir


Prezident Donald Trump Ukraynaya yardımı həftələrlə ləngitdikdən sonra nəhayət bu ay buraxıb

ABŞ Nümayəndələr Palatasının iki komitəsinin demokrat sədrləri Ağ Evi Ukraynaya yardımın saxlanmasına aid sənədlərin açıqlanmasına çağırıblar.

Bu hadisə hazırda prezident Trump-a qarşı impiçment araşdırmasının mərkəzi məsələlərindən biridir.

Nümayəndələr Palatasının Büdcə Ayırmaları Komitəsinin sədri, xanım Nita Lowey və Büdcə Komitəsinin başçısı John Yarmuth sənədlərin açıqlanmasını sentyabrın 27-də yazılmış məktubla tələb ediblər.

Bu məktubda Lowey və Yarmuth bildirirlər ki, onlar prezident Trump-ın Konqresin Ukraynaya verilmək üçün təsdiq etdiyi 400 milyon dollarlıq yardımı müvəqqəti bloklamaqla səlahiyyətlərini aşmasından narahatdırlar.

Trump bu yardımı həftələrlə ləngitdikdən sonra nəhayət bu ay buraxıb.

Millət vəkilləri Trump-ın və İnzibati-Büdcə İdarəsinin bu vəsaiti nə müddətə və niyə saxladıqları ilə maraqlanırlar.

Trump bu vəsaitin verilməsinin dayandırılmasını Ukraynadakı korrupsiya və Avropanın da Ukraynaya maliyyə töhfəsi verməli olması ilə əsaslandırmışdı.

Trump-a qarşı impiçment araşdırmasına başlamış demokratları Trump-ın bu pulu Ukrayna prezidenti Volodymyr Zelenskiy-ə təzyiq göstərmək məqsədilə saxlayıb-saxlamadığı maraqlandırır.

Trump iyulun 25-də Zelenskiy ilə telefon söhbətində ondan keçmiş vise-prezident Joe Biden-in oğlu Hunter-in Ukraynadakı biznes fəaliyyətinin araşdırılmasını istəmişdi.

Joe Biden 2020-ci il prezident seçkisində Donald Trump-ın əsas rəqibi ola bilər.

Şərhlər

Günün bütün mövzuları

XS
SM
MD
LG