Keçid linkləri

2024, 19 Mart, çərşənbə axşamı, Bakı vaxtı 15:46

Müğənni Timati Kadyrov-un şəxsi təyyarəsindəki fotolarını silib


Timati Çeçenistan rəhbəri Ramzan Kadırovun şəxsi təyyarəsində
Timati Çeçenistan rəhbəri Ramzan Kadırovun şəxsi təyyarəsində

Bu fotoların Çeçenistan rəhbəri Ramzan Kadyrov-un şəxsi təyyarəsində çəkildiyi deyilir

Rusiya müğənnisi Timati (gerçək adı Timur Yunusov)Instagram-datəyyarə içərisində çəkilmiş şəkillər paylaşıb. Bu fotoların Çeçenistan rəhbəri Ramzan Kadyrov-un şəxsi təyyarəsində çəkildiyi deyilir. Ancaq müğənni qısa müddətdən sonra bu şəkilləri pozub.

Martın 7-də paylaşdığı fotoya Timati bu sözləri əlavə edib:

"8 mart ərəfəsində səni evdən qovublarsa və qardaşının sənin üçün boş otağı varsa".

Müğənni paylaşdığı şəkli Kadyrov-un Instagram-dakı niki ilə təqləyib. Sonradan foto pozulsa da, sosial şəbəkələrdə qalıb.

Putin və reper Timati , Moskva, 5 mart 2012
Putin və reper Timati , Moskva, 5 mart 2012

Müğənninin bu paylaşımına sosial şəbəkə istifadəçiləri dərhal reaksiya veriblər.

Anna Vellikok (@annavellikok) adlı Twitter istifadəçisi yazır:

"Kadyrov, sən öz əmlakını göstərməməyə çalışanda, Timati sənin şəxsi təyyarənin interyerinin şəkillərini paylaşır".

O, bu qeydi #занашиналоги ("vergilərimiz naminə") həştəqi ilə paylaşıb.

Ötən gün həmin istifadəçi Timati-nin həmin şekli yenidən öz Instagram hesabına qaytardığını yazaraq, postun linkini paylaşıb.

Timati əvvəllər də Kadyrov-la yaxın ünsiyyətdə olduğunu açıqlayıb.

Martın 2-də Timati Kadyrov-la birgə fotoşəklini yayıb.

2013-cü ildə müğənni Çeçenistan rəhbərinin hərbi təyyarəsinin içərisində çəkilmiş fotosunu paylaşıb.

2014-cü ilin noyabrında Kadyrov Timati-yə "Çeçenistan Respublikasının Əməkdar artisti" fəxri adını verib. O bunu Timati-nin Dima Bilan-la mübahisəsindən sonra edib. O zaman Kadyrov Timati-nin tərəfini saxlayıb. Timati də buna cavab olaraq "əsl kişi" olan Ramzan Kadyrov-a tutduğu mövqeyə görətəşəkkür edib: "Şadam ki, sağlam yaşam tərzi və sağlam gənclik yetişdirməklə bağlı ideologiyalarımız üst-üstə düşür !!! Səninlə dostluq etmək və Çeçenistan Respublikasının Əməkdar artisti olmaq mənə şərəfdir !!!".

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG