Keçid linkləri

2024, 28 Mart, Cümə axşamı, Bakı vaxtı 17:48

Mike Pompeo ABŞ-ın yeni dövlət katibidir


Mike Pompeo
Mike Pompeo

ABŞ Senatı Mərkəzi Kəşfiyyat İdarəsinin (MKİ) keçmiş direktoru Mike Pompeo-nu dövlət katibi vəzifəsinə təsdiq edib.

Senatorlar aprelin 26-da Pompeo-nun ölkənin baş diplomatı olması üçün 57-42 nisbətində səs veriblər. Pompeo Trump-ın administrasiyasında sayca ikinci dövlət katibi olur.

Səsvermənin ardınca Ali Məhkəmənin sədri Samuel Alito Pompeo-nun andını qəbul edib.

Trump bu münasibətlə verdiyi bəyanatda bildirib ki, Pompeo “Amerikanın maraqlarını daim üstün tutacaq” birisidir.

Pompeo MKİ-nin rəhbəri kimi Trump-ın 15 aylıq prezidentliyində onun ən çox etibar etdiyi rəsmilərdən biridir.

O Trump-ın Şimali Koreya lideri Kim Jong Un-la nəzərdə tutulan görüşünün təşkilində aparıcı rol oynayıb.

Beləliklə aprelin 27-də NATO xarici işlər nazirlərinin Brüssel toplanışına Mike Pompeo yollanacaq.

Dövlət Departamenti bildirib ki, bundan sonra Pompeo ABŞ-ın Yaxın Şərq müttəfiqlərini – İsraili, Səudiyyə Ərəbistanı və İordaniyanı ziyarət edəcək.

Demokratlar Pompeo-nu davakar siyasət yürütməkdə və bundan əvvəl İslam barədə kəskin bəyanatlar verməkdıə ittiham edirlər.

Trump bundan əvvəlki dövlət katibi Rex Tillerson-u aralarındakı fikir ixtilaflarına görə vəzifəsindən kənarlaşdırıb.

Onların xarici siyasət məsələlərindəki fikir fərqlərindən biri də İranla nüvə sazişinə münasibət idi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG