Keçid linkləri

2024, 30 May, Cümə axşamı, Bakı vaxtı 20:30

Azadlığa çıxan fəal: 'Bu işi Avropa Məhkəməsinədək qovacağam'


«Gündəm-xəbər» qəzetinin bölgə müxbiri Məhbub Zülfüqarov
«Gündəm-xəbər» qəzetinin bölgə müxbiri Məhbub Zülfüqarov

İmişli Rayon Məhkəməsinin hökmü ilə 5 ay müddətinə həbs edilən ictimai fəal, «Gündəm-xəbər» qəzetinin bölgə müxbiri Məhbub Zülfüqarov həbsdən çıxdıqdan sonra, AzadlıqRadiosu-na danışıb.

O, açıqlamasında vurğulayıb ki, cəzasının 39 gününü Qaradağdakı 14 saylı Cəzaçəkmə Müəssisəsində keçirib. Səhhəti pisləşdiyinə görə müalicə olunub:

“Mənim 14 saylı Cəzaçəkmə Müəssisəsinə göndərilməyimin özü də sifarişli idi. Bildiyiniz kimi, məhkum olunanlar həbsxanalardan yaşayış yerlərinə daha yaxın müəssisələrə köçürülməlidir. Qaradağdakı şərait ölkənin digər cəzaçəkmə müəssisələrindən daha pis olduğundan, siyasi motivlərlə həbs olunanlara əlavə cəza vermək üçün məhz ora göndərilir”.

Buna da bax: Məhbub Zülfüqarov azadlığa çıxıb

Azadlıqdan məhrumetmə cəzasını qüvvədə saxlayan Şirvan Apellyasiya Məhkəməsinin qərarını, hələ də almadığını bildirən ictimai fəal, bundan sonra da hüquq müstəvisində mübarizəsini davam etdirəcəyini deyir: “Bu işi Avropa İnsan hüquqları Məhkəməsinədək qovacağam”.

M. Zülfüqarovun həbsinə səbəb birinci vitse-prezident Mehriban Əliyevaya ünvanladığı məktub olub. “Azərbaycan Standartlaşdırma İnstitutu” publik hüquqi şəxsin bölgə idarəsinin rəisi Saleh Səmədov həmin məktubda barəsində yazılanları böhtan hesab edərək xüsusi ittiham qaydasında məhkəməyə müraciət edib.

Buna da bax: İmişlidə ictimai fəal 5 aylıq həbsə atıldı

İmişli Rayon Məhkəməsi M. Zülfüqarovu Cinayət Məcəlləsinin 147.1-ci maddəsində nəzərdə tutulan cinayət əməlini törətməkdə təqsirli bilib və məhkəmə zalında həbs edib. O, böhtanda günahlandırılaraq 5 ay müddətinə azadlıqdan məhrum edilib. Siyasi Məhbusları Müdafiə Mərkəzi M. Zülfüqarovun adını “siyasi məhbuslar siyahısı”na daxil edib.

Xatırlatma

Hüquq müdafiəçilərinin hazırladığı siyahıya görə, ölkədə 150 civarında siyasi məhbus var. Ancaq Azərbaycan rəsmiləri ölkədə siyasi məhbus olması fikrini qəbul etmirlər. Onlar deyirlər ki, siyasi məhbus sayılan şəxslər konkret törədikləri əmələ görə, məsuliyyətə alınıblar.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG