Keçid linkləri

2024, 19 Mart, çərşənbə axşamı, Bakı vaxtı 12:11

'Vulkan yaxınlığında yaşayanlar'-media icmalı


Azərbaycanda palçıq vulkanı, 30 aprel 2013
Azərbaycanda palçıq vulkanı, 30 aprel 2013

Azərbaycan-Rusiya münasibətləri, aqrar sahə ilə bağlı yeni qurumun yaradılması, bəzi vulkanların yaxınlığında yaşayış məskənlərinin salınması və başqa məsələlər medianın aparıcı mövzularındandır...

“Ad dəyişsə də heç nə dəyişməyəcək ”

“Azadlıq.info” saytında “İlham Əliyevin yaratdığı yeni şirkət də vəziyyəti dəyişməcəyək” ​sərlövhəli yazı oxumaq olar.

Yazıda dövlət başçısı İlham Əliyevin dekabrın 14-də imzaladığı sərərncam ilə “Aqrar tədarük və təchizat” açıq səhimdar cəmiyyətinin (ASC) yaradılması ilə bağlı kənd təsərrüfatı mütəxəssisi Vahid Məhərrəmli-nin düşüncələrinə yer verilib.

Vahid Məhərrəmli
Vahid Məhərrəmli

​V.Məhərrəmli qeyd edib ki, yeni qurum “Ərzaq məhsullarının tədarükü və təchizatı” Açıq Səhmdar Cəmiyyətinin bazasında yaradılıb, onun hüquqi varisidir. O, xatırladıb ki, “Ərzaq məhsullarının tədarükü və təchizatı” ASC-nin məqsədi kənd təsərrüfatı məhsullarının istehsalını və emalını stimullaşdırmaqdan ibarət idi.

Ekspert “Ərzaq məhsullarının tədarükü və təchizatı” ASC-nin bu il üzrə təqdim etdiyi məlumatına əsasən daha sonra əlavə edib:

“2018-ci ilin 9 ayının yekunlarına əsasən, ASC yerli fermerlərdən ümumi miqdarı 53 min ton, dəyəri 106 milyon manat olan kənd təsərrüfatı məhsulları tədarük edib. Tədarük olunmuş məhsulların 81 milyon manatlıq hissəsi dövlət satınalan təşkilatlarının (uşaq bağçaları, xəstəxanalar, penitensiar sistem, hərbi hissələr və s.) təlabatına yönəldilib, 25 milyon manatlıq məhsul isə xarici ölkələrə ixrac olunub”.
V. Məhərrəmli hesab edir ki, 8 milyon ton kənd təsərrüfatı məhsulu istehsal olunduğu halda 9 ay ərzində cəmi 53 min ton məhsul tədarük edilməsi yaxşı göstərici sayla bilməz:

“Bu mənada “Ərzaq məhsullarının tədarükü və təchizatı” Açıq Səhmdar Cəmiyyəti öz üzərinə düşən vəzifənin öhtəsindən gələ bilməmişdi. Yeni yaradılan səhmdər cəmiyyətin adında edilmiş dəyişiklik də bu sahədə heç nəyi dəyişməyəcək”-deyə müəllif bu sahədə müsbət irəliləyiş olmasına inamsızlıq sərgiləyir.

Vulkan xəbərdarlığı

Bakının Qaradağ rayonunda vulkan püskürməsi, 23 sentyabr 2018
Bakının Qaradağ rayonunda vulkan püskürməsi, 23 sentyabr 2018

“Trend.az” saytında “Xəbərdarlıq: Bəzi yaşayış evləri vulkanlara yaxınlaşır” sərlövhəli yazı yer alır.

Yazıda Bakıda bir çox yaşayış məntəqələrinin vulkanların yaxınlığına qədər uzanması ilə bağlı Azərbaycan Milli Elmlər Akademiyası (AMEA) Coğrafiya İnstitutunun dosenti Elxan Məmmədbəyov-un fikirləri təqdim edilib.

E.Məmmədbəyov deyib ki, Keyrəki, Quşçu, Hökməli, Bozdağ, Qobu və başqa vulkanların yaxınlığında yaşayış məntəqələrinin olması xüsusilə təhlükəlidir.

AMEA əməkdaşının dməsinə görə, palçıq vulkanlarının inkişaf etdiyi ərazi geosistemlərinin struktur morfogenetik xüsusiyyətləri və onların ətraf ərazi landşaftlarına təsiri araşdırılıb. O, vurğulayıb ki, ərazinin müxtəlif landşaft tiplərində intensiv fəaliyyətdə olan “Daşgil”, “Şahqaya”, “Çapılmış”, “Çeyildağ”, “Torağay”, “Axtarma”, “Paşalı”, “Dəmirçi” və başqa palçıq vulkanlarının morfometrik parametrləri öyrənilib, ətraf ərazilərin landşaftlarına təsiri müəyyən olunub:

"Palçıq vulkanlarının insanların həyat və təsərrüfat fəaliyyətinə, eləcə də infrastruktura təsiri araşdırılıb. Keyrəki, Quşçu, Hökməli, Bozdağ, Qobu və s. vulkanların yaxınlığında yaşayış məntəqələrinin olması xüsusilə təhlükəlidir. Bu barədə müvafiq qurumlara mütəxəssislər tərəfindən xəbərdarlıq edilməsinə baxmayaraq, yaşayış evləri vulkanlara yaxınlaşmaqda davam edir".

Azərbayan yer kürəsində palçıq vulkanlarının unikal və klassik inkişaf regionu kimi tanınır. Təqribən 340-dan çox vulkan Azərbaycanın şərqində və onunla həmsərhəd Xəzər akvatoriyasında yerləşir. Palçıq vulkanlarının əksəriyyəti Bakı və Abşeron yarımadasında yerləşir.

“Azərbaycan Rusiyanın Cənubi Qafqazda ən mühüm tərəfdaşıdır”

“Azərbaycan” qəzetində isə “Bir ildə 6 görüş” sərlövhəli yazı dərc edilib. Yazı Azərbaycan-Rusiya münasibətlərinə həsr edilib.

Əliyev və Putin, Bakı, 27 sentyabr 2018
Əliyev və Putin, Bakı, 27 sentyabr 2018

Müəllif yazıb ki, Azərbaycanla Rusiya arasında əlaqələr son dövrlərdə daha da möhkəmlənən dövlətlərarası münasibətlərə, dostluğa, mehriban qonşuluğa əsaslanır:

“Mübaliğəsiz demək olar ki, Azərbaycan-Rusiya münasibətləri dinamik yüksəliş mərhələsindədir. İki ölkə ictimai-siyasi, ticari-iqtisadi və humanitar sahələrdə sıx əməkdaşlıq edir. Rusiyanın subyektləri ilə Azərbaycanın regionlararası əlaqələri səmərəli və dinamik inkişaf yolundadır”.

Müəllif xatırladıb ki, bu il Azərbaycan və Rusiya prezidentləri 6 dəfə görüşüblər. Yazıda bu faktin özü iki ölkə arasında münasibətlərin inkişafı kimi dəyərləndirilir:

“Bu səfər və görüşlər çərçivəsində ikitərəfli əlaqələrin perspektivləri müzakirə edilib. Beynəlxalq və regional məsələlərə dair fikir mübadiləsi aparılıb. Ən əsası, səfərlərin hər biri münasibətlərin strateji, dostluq xarakterini, iki ölkənin dost və tərəfdaş olduğunu təsdiqləyib”.

​Yazıda vurğulanır ki, Azərbaycan Rusiya ilə çoxçaxəli əməkdşalıq etsə də ən böyük gözləntisi Dağlıq Qarabağ probleminin ədalətli həllinə yardım göstərilməsidir:

“Ona görə iki ölkənin rəhbərliyi arasında Dağlıq Qarabağ mövzusunda aparılan danışıqların məzmunu Azərbaycan ictimaiyyətində maraqla izlənilir. Prezident İlham Əliyevin Rusiyaya rəsmi səfəri zamanı qeyd etdiyi kimi, müzakirə edilən məsələlər arasında ilk növbədə uzun müddət davam edən və Azərbaycan xalqının böyük iztirablarına gətirib çıxarmış Ermənistan-Azərbaycan, Dağlıq Qarabağ münaqişəsinin nizamlanması məsələsi mühüm yer tutur. Rusiya münaqişənin nizamlanması ilə məşğul olan ATƏT-in Minsk qrupunun həmsədri kimi tənzimləmə işində mühüm rol oynayır”.

Müəllif daha sonra da yazıb ki, Azərbaycan Rusiyanın Cənubi Qafqazda ən mühüm siyasi-iqtisadi tərəfdaşıdır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG