Keçid linkləri

Təcili xəbərlər
2021, 12 İyun, şənbə, Bakı vaxtı 19:38

Makrona şillə vurana 4 ay həbs


İnsident zamanı, 8 iyun, 2021-ci il

İnsident iki gün öncə Makronun Fransanın cənubuna səfəri zamanı baş verib.

Özünü sağçı kimi təqdim edən 28 yaşlı fransız Prezident Emmaneul Makrona şillə vurduğuna görə 4 ay həbsə məhkum edilib. Damien Tarel barədə hökm iyunun 10-da ölkənin cənub-şərqindəki Valans şəhərində məhkəmə tərəfindən çıxarılıb.

İnsident hökmdən iki gün öncə Makronun Fransanın cənubuna səfəri zamanı baş verib.

Tarel dövlət qulluqçusuna hücumda ittiham olunub. Bu ittihamda maksimum üç il həbs və 45 min avro cərimə nəzərdə tutulur. O, 18 ay həbsə məhkum edilib, onun 14 ayı şərti hesab olunub.

Tarel həmçinin beş il ərzində Fransada dövlət qulluğunda xidmətdən, yaxud silah saxlamaqdan məhrum edilib.

Makronu sol yanağından sillələyən Tarel bir neçə əsr əvvələ aid müharibə şüarı səsləndirib. O, ifadəsində hücumun impulsiv olduğunu, Makronun “ölkəmizdə iflası təmsil etməsi” inancından doğduğunu deyib.

Müstəntiqlərə ifadəsində Tarel özünü ifrat-sağçı baxışlı kimi təqdim edib, amma heç bir partiya, yaxud qrup üzvü olmadığını söyləyib.

Şərhlər

XS
SM
MD
LG