Tətilə görə Bakı reysləri təxirə düşüb

Almaniyanın "Lufthansa" aviaşirkəti işçilərinin davam edən tətilinə görə, nəzərdə tutulan Bakı reysləri təxirə salınıb.

Bu barədə Heydər Əliyev adına Hava Limanından məlumat veriblər.

Təxirə salınan reyslər bunlardır - Aşqabad – Bakı və Bakı-Frankfurt-na-Mayne.

«Lufthansa» aviaşirkətinin pilotları artıq bir neçə gündür ki, maaşlarının artırılması tələbilə tətil keçirirlər. Tətil nəticəsində dünyanın müxtəlif ölkələrinə yüzlərlə reys təxirə düşüb.