Keçid linkləri

2024, 25 May, şənbə, Bakı vaxtı 14:59

Ermənistan sammitin təxirə salınmasını 'istəməyib'


Yuri Khachaturov KTMT-nin baş katibi vəzifəsini ötən ay tərk edib
Yuri Khachaturov KTMT-nin baş katibi vəzifəsini ötən ay tərk edib

Ermənistan KTMT sammitinin təxirə salınmasını xahiş etməyib. Bunu baş nazirin vəzifələrini icra edən Nikol Pashinian-ın sözçüsü deyir.

Arman Egoian dekabrın 4-də AzadlıqRadiosu-na bu haqda danışıb. Ondan bir neçə saat öncə isə Rusiya Prezidenti Vladimir Putinin köməkçisi Yury Ushakov Moskvada jurnalistlərə deyib ki, sammit Ermənistanın xahişilə qeyri-müəyyən vaxta təxirə salınır.

Egoian isə deyir ki, Pashinian əsl səbəbi daha öncə jurnalistlərə izah edib.

Pashinian dekabrın 2-də demişdi ki, sammit KTMT-nin yeni baş katibinin seçilməsi üzrə razılıq olmadığından ertələnib.

***

Kreml bildirir ki, Rusiyanın rəhbərlik etdiyi Kollektiv Təhlükəsizlik Müqaviləsi Təşkilatı (KTMT) dekabr ayında keçirilməli olan sammitini təxirə salır.

Yury Ushakov
Yury Ushakov

Rusiya prezidentinin köməkçisi Yury Ushakov dekabrın 4-də bildirib ki, bu addım Yerevanın ricası ilə Ermənistanda dekabrın 9-da keçiriləcək parlament seçkisinə görə atılıb.

Ushakov Moskvada jurnalistlərə deyib ki, sammit dekabrın 6-da keçirilməli idi, lakin böyük bir ehtimalla gələn il keçirləcək.

Ermənistan hazırda KTMT-nin rotasiyalı sədr ölkəsidir. Bu təşkilata habelə Belarus, Qazaxıstan, Qırğızıstan və Tacikistan daxildir.

KTMT-nin baş katibi Yuri Khachaturov 2008-ci ildə Ermənistanda konstitusiya quruluşunu devirmək cəhdində rəsmən ittiham olunduqdan sonra ötən ay vəzifəsini tərk edib.

2008-ci ilin mart hadisələri baş verəndə Khachaturov Ermənistan müdafiə nazirinin müavini idi.

Ushakov deyib ki, rusiyalı Valery Semerikov KTMT baş katibinin əvəzi kimi fəaliyyət göstərəcək.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG