Azərbaycanda bütün kütləvi tədbirlər təxirə salınır
Azərbaycanda bir ay müddətində bütün kütləvi tədbirlər təxirə salınıb.
Bu barədə martın 13-də Azərbaycan Nazirlər Kabineti yanında operativ qərargah məlumat yayıb.
"Ölkə ərazisində bütün toy məclislərinin keçirilməsi qadağan edilir... Dəfn mərasimləri istisna olmaqla, mərasim zallarında, çadırlarda və digər qapalı məkanlarda yas mərasimlərinin keçirilməsi qadağan olunur. Restoran və kafelərdə iş rejimi saat 21:00-dək müəyyən edilir və müvafiq dövlət strukturları tərəfindən bu məkanlar üçün açıqlanacaq qaydalara riayət olunması mütləqdir".
Azərbaycanda koronavirusa yoluxanların sayı 19-a çatıb
Daha 4 Azərbaycan vətəndaşında koronavirus aşkarlanıb.
Bu barədə Azərbaycan Nazirlər Kabinetinin yanında operativ qərargah martın 13-də məlumat yayıb.
Məlumatda yazılıb ki, İran və İtaliyadan qayıdan dörd nəfər Azərbaycan vətəndaşında koronavirus infeksiyasına yoluxma faktı qeydə alınıb: "Həmin şəxslər xüsusi rejimli xəstəxanalara yerləşdirilmiş, hazırda onların səhhəti normaldır, müalicələri ilə bağlı müvafiq tədbirlər həyata keçirilir. Bundan əvvəl xüsusi rejimli xəstəxanalara yerləşdirilmiş 1938-ci il təvəllüdlü Azərbaycan Respublikası vətəndaşının səhhəti stabil ağır olaraq qalır..."
Azərbaycanda koronavirusdan ilk ölüm
Azərbaycanda koronavirusa yoluxmuş bir şəxs vəfat edib.
Bu barədə Nazirlər Kabinetinin yanında operativ qərargah martın 12-də məlumat yayıb.
Qərargahdan verilən məlumatda bildirilir ki, İran İslam Respublikasında müalicə olunduqdan sonra qayıdan Azərbaycan vətəndaşı, 1969-cu il təvəllüdlü qadının səhhətindəki xroniki problemlər davam etdiyindən xəstəxanaya müraciət edib...
İranla sərhəd daha 2 həftə bağlı qalacaq
Azərbaycanın İranla sərhədinin bağlanması müddəti uzadılıb.
Bununla bağlı martın 12-də Azərbaycan Nazirlər Kabineti yanında operativ qərargah məlumat yayıb.
Məlumatda bu addım Ümumdünya Səhiyyə Təşkilatının koronavirus infeksiyasını (COVID-19) qlobal pandemiya elan etməsi və Azərbaycan ərazisində virusun yayılmasının qarşısını almaq məqsədi ilə izah edilir.
