Keçid linkləri

Təcili xəbərlər
2020, 29 Noyabr, bazar, Bakı vaxtı 12:32

Kocharian-ın 'başqa məhbuslarla eyni şəraitdə' saxlandığı deyilir


Robert Kocharian

Ermənistanda konstitusiya quruluşunu devirməkdə ittiham olunaraq həbs edilmiş keçmiş prezident Robert Kocharian-ın vəkilləri həbs-qətimkan tədbiri qərarından Apellyasiya Məhkəməsinə şikayəti iyulun 31-də təqdim edəcəklərini bildiriblər.

Bu barədə məlumatı AzadlıqRadiosunun Erməni xidmətinin Azatutyun saytına Kocharian-ın vəkili Aram Orbelyan verib.

Bununla belə vəkil şikayətin hansı əsaslar üzərində qurulduğu barədə şərh verməkdən imtina edib. Orbelyan deyib ki, məhkəmə bu şikayətə bu həftə ərzində baxmalıdır.

Üç gün əvvəl məhkəmə Ermənistanın keçmiş prezidenti Robert Koçaryanın iki ay müddətinə həbs edilməsi barədə qərar çıxarıb.

Azatutyun yazır ki, dövlət keçmiş prezidentin təhlükəsizliyini təmin etməlidir.

Ədliyyə rəsmiləri Koçaryanın başqa məhbuslarla eyni şəraitdə saxlandığını bildirirlər. Lakin onun hansı cəzaçəkmə müəssisəsində olduğu bildirilmir.

Bu da xəbər verilir ki, ombudsman Arman Tatoyan ikinci prezidentə “Yerevan-Kentron” təcridxanasında baş çəkib və Kocharian-ın saxlanma şəraitindən şikayəti olmadığın deyib:

“Qanunvericilik keçmiş prezidentlər üçün cəzaçəkmə müəssisələrində hər hansı imtiyazları nəzərdə tutmur”.

XS
SM
MD
LG