Avropa Birliyinin genişlənmə və qonşuluq siyasəti üzrə komisarı Yohannes Han (Johannes Hahn) oktyabrın 2-də Ermənistana gedəcək.
Bu barədə Azadlıq Radiosunun Ermənistan xidməti məlumat yayıb.
Ermənistan xarici işlər nazirliyinin mətbuat xitmətindən bildiriblər ki, o səfər zamanı president Serzh Sarkisian və baş nazir Karen Karapetyanla görüşəcək.
Yohanes Han həmçinin oktyabrın 2-də Ermənistanın xarici işlər naziri ilə görüşəcək və sonda birgə bayanatla çıxış edəcəklər.
Qeyd edək ki, Avropa Birliyinin Ermənistandakı nümayəndə heyətinin rəhbəri səfir Petr Svitalsky bu günlərdə Ermənistan hakimiyyətini gözləməməyə və Ermənistanla Avropa Birliyi arasında viza rejiminin liberallaşdırılması prosesinə hazırlaşmağa çağırıb.
Svitalsky, bu ilin noyabrında Avropa Birliyi ilə Ermənistan arasında imzalanmalı yeni razılaşma ilə bağlı yaxşı xəbər olacağını vurğulayıb.
Qeyd edək ki, noyabrın 24-də Brüsseldə Avropa Birliyi “Şərq tərəfdaşlığı”-nın sammiti keçiriləcək.
Buna da bax:AB rəsmisi: «Ermənistan viza rejiminin sadələşdirməsinə başlamalıdı»
Xatırlatma
Qeyd edək ki, Azərbaycan da Avropa Birliyi ilə «Şərq Tərəfdaşlığı» Proqramı çərçivəsində əməkdaşlıq edir.
«Şərq Tərəfdaşlığı» AB-nin altı qonşu ölkəsini əhatə edir. Bura Azərbaycan, Gürcüstan, Moldova, Ukrayna, Belarus və Ermənistan daxildir. Bu ölkələrdən Gürcüstan, Moldova və Ukrayna qurumla assosiasiya sazişi imzalayıb.
Azərbaycan rəsmiləri son illər bəyan edirdilər ki, onlar da Avropa Birliyi və bu quruma üzv ölkələrlə ayrı-ayrılıqda əməkdaşlığa üstünlük verirlər. 2016-cı il iyulun 6-da isə Azərbaycanla Avropa Birliyi arasında çərçivə sazişi üzrə sənəd qəbul edilib. Çərçivə sənədi təhsil, səhiyyə, mədəniyyət, sosial, iqtisadi və siyasi sahələrdə Azərbaycanla əməkdaşlığın prinsiplərini müəyyən etməlidir.
Bu ilin fevralından isə ikitərəfli danışıqlar başlayıb.
