Azərbaycan prezidenti bölgələrin simasının dəyişdiyini deyir, statistika tam əksini?
Bölgələrin sosial-iqtisadi inkişafına dair dövlət proqramlarının icrası bölgələrin simasını dəyişib. Azərbaycan prezidenti İlham Əliyev yanvarın 30-da keçirilən sayca 14-cü konfransındakı fikrini qısaca belə ifadə etmək olar. Bu vaxt, təbii ki, sual doğacaq: “O proqramların icrasının 3-cü ili başa çatırsa, bölgələrdə nə dəyişib?”.
Buna da bax: Hökumətin 13 il əvvəl verdiyi qərar [video]
“ÜDM-in 80 faizindən çoxu Bakı, Sumqayıt və Abşeronun payına düşür”
İqtisadçı ekspert Rövşən Ağayev bölgələrin inkişaf səviyyəsini əks etdirən bir neçə mühüm statistik faktı açıqlayır: “Azərbaycan iqtisadiyyatında yaranan Ümumi Daxili Məhsulun (ÜDM-in) 80 faizindən bir qədər çoxu Bakı, Sumqayıt və Abşeronun payına düşür. Yerdə qalan bölgələrin payı, ən yaxşı halda, 17-18 faiz civarındadır. Abşeron yarımadası üzrə adambaşına ÜDM-in məbləği 21 min manatı ötür, yerdə qalan bölgələr üzrə orta göstərici 2 min manata çatmır”.
“İki il öncə büdcənin, uzağı, 5 faizi...”
Buna da bax: 'Xarici borc ciddi problemə çevrilir'
Ekspert yada salır ki, 2015-ci ildə Bakıdan kənarda toplanan bütün vergilərin həcmi 828 milyon manat olub: “Bütün büdcənin 5 faizindən az. Bu il bölgələrdə toplanacaq vergilərin onsuz da kiçik olan məbləğinin daha da azalacağı gözlənilir. Hökumət bölgələrdə cəmi 620 milyon manat (2015-ci illə müqayisədə 200 milyon manat və ya 25 faiz az - red.) vergi toplayacağını proqnozlaşdırır. Bu, illik büdcənin 3 faizindən azca çoxdur. Bölgələrin ixracatdakı payı 3 faizə çatmır”.
