Keçid linkləri

Təcili xəbərlər
2021, 06 Mart, şənbə, Bakı vaxtı 10:16

İtkin düşən neftçilər 44 gəmi, 6 helikopterlə axtarılır


Foto:arxiv

Dekabrın 15-də Nərimanov adına NQÇİ-yə məxsus olan estakadada baş vermiş faciə ilə əlaqədar yaradılan Qərargah axtarış-xilasetmə əməliyyatlarının planını təsdiqləyib.

Plan Fövqəladə Hallar Nazirliyi, Müdafiə Nazirliyi, Dövlət Sərhəd Xidməti, Dövlət Dəniz Administrasiyası, SOCAR və “Azərbaycan Xəzər Dəniz Gəmiçiliyi” QSC-nin mütəxəssislərinin iştirakı ilə hazırlanıb. Plana əsasən axtarış-xilasetmə sektorları müəyyən edilib.

AzərTAC-ın məlumatına görə, axtarış-xilasetmə işlərinə 44 gəmi və üzən vasitə, 6 helikopter, habelə 700-dən artıq canlı qüvvə cəlb olunub.

Eyni zamanda, sahilboyu ərazilərdə Fövqəladə Hallar Nazirliyi və Dövlət Sərhəd Xidmətinin canlı qüvvələri tərəfindən axtarış tədbirləri həyata keçirilir.

Dekabrın 15-də Xəzərdə Nərimanov adına NQÇİ-yə məxsus estakadanın uçması nəticəsində 10 neftçi dənizə düşüb. Onlardan birinin cəsədi sonradan tapılıb. Qalanların axtarışı davam edir.

Prezident İlham Əliyevin 2016-cı il 16 dekabr tarixli sərəncamı ilə axtarış-xilasetmə tədbirləri üzrə qərargah yaradılıb.

Şərhlər (1)

Bu forum dayandırılıb
XS
SM
MD
LG