Keçid linkləri

Təcili xəbərlər
2020, 01 Oktyabr, Cümə axşamı, Bakı vaxtı 00:16

Nazir: ‘İslam Oyunları 100 milyon dollara başa gələcək’


Avropa Oyunlarının keçmiş (həbs olunan) prezidenti Patrick Hickey (soldan) və Azad Rəhimov (sağdan), 11 iyun 2015

2017-ci ildə Bakıda İslam Həmrəylik Oyunlarının keçirilməsinə 100 milyon dollar xərclənməsi nəzərdə tutulur.

Bu barədə gənclər və idman naziri Azad Rəhimov dekabrın 27-də keçirilən mətbuat konfransında bildirib.

“Turan” Agentliyinin xəbərinə görə, bu məbləğin 60 mln. dollara yaxını 2016-cı ildə xərclənib, qalan məbləğ 2017-ci ilə nəzərdə tutulub.

Buna da bax:​ İslam Oyunlarına hazırlıq müzakirə edildi

Oyunlara 6 min idmançı gələcək

Nazirin sözlərinə görə, vəsaitin əsas hissəsi Olimpiya stadionunda olacaq açılış və bağlanış mərasimindən ötrü nəzərdə tutulub.

Bakıda keçirilən bu oyunlara 6 min nəfər gələcək, bunun 4 min nəfəri idmançılar, 2 min nəfəri isə texniki heyət və nümayəndə heyətləridir.

Atletlər kəndi satışa çıxarılacaq

“Atletlər Kəndində 6 min nəfər yerləşdiriləcək. Oyunlar başa çatdıqdan sonra Atletlər Kəndi sahibkarlara qaytarılacaq və evlər satışa çıxarılacaq”, deyə Rəhimov bildirib.

Buna da bax:​ Deputat: 'Onda belə ciddi problemlər yox idi...'

Azad Rəhimovun bundan əvvəl bildirməsinə görə, 2015-ci ildə Bakıda keçirilən I Avropa Oyunları 1 mlrd. dollarına başa gəlmişdi. Ondan gəlir isə cəmi 100 mln. dollar təşkil etmişdi.

Jurnalist araşdırmalarına görə isə, I Avropa Oyunları Azərbaycana 5 mlrd. dollara başa gəlib.

2017-ci ilin dövlət büdcəsində beynəlxalq oyunların təşkilinə 300 milyon manatdan bir qədər çox vəsait ayrılıb. Bu təqribən noyabrın 28-də enerji daşıyıcılarının qiymətinin qaldırılmasından əldə ediləcək gəlirə bərabərdir.

Şərhlər (4)

Bu forum dayandırılıb
XS
SM
MD
LG