Keçid linkləri

Təcili xəbərlər
2019, 08 Dekabr, bazar, Bakı vaxtı 01:59

İranla sərhəddə Azərbaycan sərhədçisi yaralanıb


Azərbaycan-İran sərhəddində baş verən silahlı insidentdən sonra DSX rəisi Elçin Quliyev hadisə yerinə gəlib, 10 mart .2019

İyulun 27-də saat 22:45 radələrində Sərhəd Qoşunlarının “Horadiz” sərhəd dəstəsinin Fizuli rayonunun Əhmədalılar kəndinin yaxınlığındakı zastavasının xidməti ərazisində ölkəyə qaçaqmalçılıq yolu ilə külli miqdarda narkotik vasitənin gətirilməsinə cəhd edilib.

Bu barədə iyulun 28-də Dövlət Sərhəd Xidmti (DSX) məlumat yayıb.

DSX bildirir ki, sərhəd naryadı İran İslam Respublikasından Azərbaycan istiqamətinə silahlı şəxslərin hərəkətini aşkar edib və bunun qarşısı alın­ıb.

Açıqlamada vurğulanıb ki, sərhəd naryadının qanuni tələbinə və xəbərdarlıq atəşinə tabe olmayan sərhəd pozu­cuları sərhəd naryadına qarşı silah tətbiq ediblər:

“Baş vermiş atışma zamanı sərhəd naryadının üzvü çiyin nahiyəsindən ya­ra­lanıb. Sərhədçi əsgər dərhal hərbi hospitala təxliyə edilərək əməliyyat olunub, hazırda vəziyyəti qənaətbəxşdir. Dövlət sərhədindən narkotik vasitə keçirməyə müvəffəq ola bilməyən sər­həd pozucuları geri qaçıblar. Ərazidə keçirilmiş axtarış tədbirləri nəticəsində ümumi çəkisi 5 kq 350 qram olan 1 ədəd bağlamada 2 kq 70 qram marixuana, 2 kq 180 qram kokos, 885 qram heroin, 215 qram tiryək aşkar olunub”

Hadisə ilə əlaqədar Dövlət Sərhəd Xidmətinin rəhbər vəzifəli şəxsləri əra­zi­yə ezam ediliblər. Verilən məlumata görə, İran İslam Respublikasının sərhəd nümayəndəsi ilə gö­rüş keçirilib:

“ Hadisə yerinə birgə baxış keçirilib, aşkar olunmuş narkotik vasitələr və digər əşyalar təqdim olunub, sərhəd pozucularının müəyyən edi­lərək cinayət məsuliyyətinə cəlb olunmaları tələb edilib. Hərbi prokurorluq ilə birlikdə hadisə ilə əlaqədar zəruri tədbirlər görülür. Fakt üzrə cinayət işi başlanılıb”,DSX qeyd edir.

Günün bütün mövzuları

XS
SM
MD
LG