Keçid linkləri

2024, 29 Mart, Cümə, Bakı vaxtı 04:34

Iran rial-ı ABŞ dollarına nisbətdə rekord həddə ucuzlaşdı


Foto arxiv
Foto arxiv

Iranın milli valyutası rial ABŞ dollarına nisbətdə yenidən kəskin ucuzlaşıb.

AzadlıqRadiosunun Assosiated-Press agentliyinə istinadla verdiyi məlumata görə, 1 ABŞ dolları iyulun 29-da 112 min rial olub ki, bir gün əvvəl məzənnə 98 min idi.

Amma rəsmi valyutadəyişmə məntəqələrində 1 ABŞ dollarının təxminən 44 min rial olduğu göstərilir.

İlin əvvəllərində isə rəsmi kurs təxminən 35 olub.

Tehran hökuməti ötən həftə Mərkəzi Bank-ın rəhbəriValiollah Seifinin valyuta siyasətini tənqid edərək,onu işdən kənarlaşdırıb.

Mütəxəssislər böhranın səbəbini ABŞ-ın İrana qarşı sanksiyaları bərpa etməsində görürlər.

Qeyd edək ki, ABŞ prezidenti Donald Trump bu ilin mayında ölkəsinin İranla 6 aparıcı dünya ölkəsi ilə imzalanmış nüvə sazişindən çıxdığını və Vaşinqtonun Tehrana qarşı iqtisadi sanksiyaları bərpa etdiyini bəyan elədi.

ABŞ iki mərhələdə, avqustun 6-ı və noyabrın 4-də İrana qarşı bütün sanksiyaları bərpa etmək fikrindədir.

Bir çox xarici şirkətlər buna görə İranla ticarət əlaqələrini kəsmək məcburiyyətində qalıblar.

Buna da bax:"İran etirazlarının 5 səbəbi".

Xatırladaq ki, Tehranla aparıcı dünya ölkələri arasında imzalanan nüvə sazişindən sonra İrana qarşı sanksiyalar aradan qaldırıldı, Tehran isə əvəzində nüvə fəaliyyətini dayandırdı.

Amma sazişə imza adan digər ölkələr-Almaniya, Böyük Britaniya,Fransa, Çin və Rusiya ona əməl edəcəklərini vəd ediblər.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG