Keçid linkləri

2024, 19 Mart, çərşənbə axşamı, Bakı vaxtı 07:36

İranın 14 hərbçisi Pakistanla sərhəddə 'oğurlanıb'


İranın antinarkotik qüvvələri zahedan yaxınlığında keçirilən təlimdə (Foto arxivdəndir)
İranın antinarkotik qüvvələri zahedan yaxınlığında keçirilən təlimdə (Foto arxivdəndir)

İran İslam İnqilabı Keşikçiləri Korpusu (İİKK) Pakistanı oktyabrın 16-da 14 iranlı hərbçini bu ölkə ilə sərhəddə oğurlamış silahlılara qarşı tədbir görməyə çağırıb.

İİKK-in bu barədə verdiyi bəyanatda deyilir: “Biz Pakistanın bəzi regional ölkələr tərəfindən dəstəklənən bu terrorçu qruplara qarşı mübarizə aparacağına və oğurlanmış İran hərbçilərinin dərhal azad ediləcəyinə ümid edirik”.

Oğurlananlardan ikisinin İİKK-in kəşfiyyatçısı, yeddisinin Bəsic könüllü silahlıları, qalanlarının isə sərhədçilər olduğu xəbər verilir.

Pakistanın Xarici İşlər Nazirliyi sonradan bildirib ki, Pakistan və İran orqanları “oğurlanmış hərbçilərin yerinin müəyyənləşdirilməsi üçün birlikdə işləyirlər”.

Nazirliyin bəyanatında deyilir ki, Pakistan İran hərbçilərinin tapılnması üçün “əlindən gələni əsirgəməyəcək”.

İranın rəsmi IRNA agentliyi bildirib ki, “hərbçilər səhərin erkən saatlarında sərhədin Lüləkdan adlı ərazisində terrorçu qrup tərəfindən oğurlanıblar”.

Lüləkdan İranın Sistan-Bəlucistan ostanının mərkəzi şəhəri Zahedanın 150 kilometrliyində yerləşir.

Hərbçiləri oğurlayan qruplaşmanın konkret adı çəkilmir.

AzadlıqRadiosu yazır ki, bu ərazidə tez-tez İran qüvvələri ilə bəluc separataçılar və narkotik maddə qaçaqmalçıları arasında toqquşmalar baş verir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG