Keçid linkləri

Təcili xəbərlər
2018, 27 May, bazar, Bakı vaxtı 19:52

ABŞ-ın hava zərbəsi İŞİD-in “baş müftisini” öldürüb


İslam Dövləti qruplaşması ilə mübarizə aparan ABŞ koalisiyası bildirib ki, özünü İŞİD-in “baş ruhanisi” elan etmiş şəxs bu yaxınlarda Suriyada endirilən hava zərbələrində həlak olub.

Koalisiyanın iyunun 20-də yayılmış bəynatında deyilir ki, "özünü İŞİD-in baş müftisi və ya baş ruhanisi elan etmiş Turki Binalini mayın 31-də Suriyanın Mayadin məntəqəsinə endirilən hava zərbəsi ilə öldürülüb”.

Suriya fəalları və İD tərəfdarları Binalinin ölümü barədə elə o vaxt məlumat vermişdilər, lakin o vaxtdan bəri bu hadisənin rəsmi təsdiqi olmamışdı.

Əslən bəhreynli ruhani İD-in ən tanınmış vaizlərindən idi və tez-tez təşkilatın təbliğat videolarında görünərdi.

Bəzi məlumatlara görə İraqın yezidi azlığından yüzlərlə qadının seks kölələrinə çevrilməsini məhz Binali dini baxımdan əsaslandırmışdı.

Koalisiyanın bəyanatında Turki Binalı İŞİD-in başçısı Abu Bakr al-Baghdadi-nin yaxın adamı adlandırılır və qeyd olunur ki, o dünya boyunca terror aktlarının törədilməsi üçün səfərbərlərin ələ alınmasında aparıcı rol oynayırdı.

Günün bütün mövzuları

XS
SM
MD
LG