Keçid linkləri

2017, 12 Dekabr, çərşənbə axşamı, Bakı vaxtı 16:23

HRW: Hollande İlham Əliyevə desin ki...


F.Hollande və İ.Əliyev

Fransa Azərbaycanda insan haqlarıyla bağlı durumu görməli, prezident Francois Hollande həbsdəki fəalların, jurnalistlərin buraxılmasına çağırmalıdır. Bu çağırışı martın 14-də «Human Righst Watch» (HRW) beynəlxalq insan haqları təşkilatı yayıb.

Qurum təmsilçisi Philippe Dam deyir ki, bu həftə Parisdə səfərdə olan «avtokratik Azərbaycan prezidenti» İlham Əliyev artıq bir neçə gözqamaşdırıcı foto çəkdirə bilib. Bir gün öncə Azərbaycan mediasını oxuyan istənilən şəxs Əliyevin qabaqcıl fransız şirkətlərinin liderləriylə fotolarını görməmiş deyil. Bu şirkətlər içində «Airbus», «Suez» və «Credit Agricole» var.

«BUNU KİMSƏ DÜŞÜNÜRMÜ?»

«Bu gün prezident Hollande Yelisey Sarayında prezident Əliyevi qəbul edəcək, onun şərəfinə rəsmi nahar verəcək. Yenə də qəşəng fotolar peyda olacaq. Amma Azərbaycanda tənqidçilərin repressiyası, opponentlərin həbsi Parislə Bakının yeni münasibətlərinə sığırmı – şaqqıldayan kameralar qarşısında bunu kimsə düşünürmü?», – müəllif yazır.

Məqalədə vurğulanır ki, son illər Azərbaycan hakimiyyəti ölkədə dinamik vətəndaş cəmiyyətini təqib edib, onlarla fəalı, jurnalisti, siyasi opponenti həbsə atdırıb. Qanunvericiliyə müstəqil QHT-lərin fəaliyyətini məhdudlaşdıran dəyişikliklər edib. Bir il öncə, ölkə iqtisadiyyatı neftin qiymətlərinin düşməsindən zərər gördüyü bir vaxtda, siyasi motivlərlə tutulanlardan bəziləri buraxılıb. Amma çox keçməmiş ümid işıqları sönüb, belə ki, buraxılanlara səyahət qadağaları, fəaliyyətlərinə əngəllər qalır. Onlarla şəxs siyasi motivlərlə həbsdədir. Müxalifət fəalı İlqar Məmmədov çoxsaylı çağırışlara baxmayaraq, buraxılmır. Bu yaxınlarda bloqqer Mehman Hüseynov da həbsə atılıb.

İ.Əliyev Parisdə. Foto arxiv.
İ.Əliyev Parisdə. Foto arxiv.

«Parisə, Brüsselə, yaxud Avropanın digər paytaxt şəhərlərinə səfər edən prezident Əliyev ölkəsinə daha çox biznes imkanı və sərmayə qazandırmağa ümid edir. Amma öz xalqının insan haqlarının qorunması, şəffaflıq, yaxşı idarəçilik istəyini gözardı edir. Bu dəyərlərin müdafiəsinə qalxanlar daimi hücumlara və təqiblərə məruz qalır», – məqalədə deyilir.

«HOLLANDE ÇAĞIRIŞ ETSİN»

Amma o da yada salınır ki, ölkədəki bu təzyiqləri heç də hamı görməzdən gəlmir, ötən həftə Mədən Sənayesində Şəffaflıq Təşəbbüsü (EITI) Azərbaycanın fəaliyyətini dayandırıb. Qeyd edək ki, həmin qərardan bir gün sonra Neft Fondunun sədri Şahmar Mövsümov qurumdan çıxdıqlarını bəyan etdi.

«Prezident Hollande Azərbaycana ancaq maliyyə və iqtisadiyyatın dəxli olması barədə deyilənləri rədd etməlidir. İnsan haqları, digər məsələlər kimi, Fransanın xarici siyasətinin özəyində durmalıdır. Hollande açıq şəkildə İlqar Məmmədovun, eləcə də fəaliyyətinə və tənqidə görə tutulmuş digərlərinin buraxılmasına çağırmalıdır. İnsan haqları prinsiplərinə açıq-aşkar dəstək verilməməsi, haqsız yerə dəmir barmaqlıqlar arxasında yatanlara yanlış ismarış göndərmiş olar», – HRW-nın bəyanatında deyilir.

Hakimiyyət təmsilçiləri insan haqlarının durumuyla bağlı beynəlxalq tənqidləri qəbul etmir, ölkədə bütün təməl hüquq və azadlıqların qorunduğunu bildirir.

Günün bütün mövzuları

XS
SM
MD
LG