Avqustun 12-də Bakı və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənir.
Mülayim şimal-qərb küləyinin əsəcəyi, gündüz cənub-şərq küləyi ilə əvəz olunacağı ehtimal edilir.
Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, Abşeronda gecə 19-22, gündüz 25-30, Bakıda gecə 20-22, gündüz 27-29 dərəcə isti təxmin edilir.
Azərbaycanın rayonlarında isə bəzi yerlərdə şimşək çaxacağı, arabir yağış yağacağının gözləndiyi bildirilir. Gecə 19-24, gündüz 28-33, dağlarda gecə 10-15, gündüz 16-21 isti proqnozlaşdırılır.
Nazirlik xəbərdarlıq verir ki, avqustun 13-ü gündüzdən 15-dək Bakıda və Abşeron yarımadasında şimal-qərb küləyinin arabir güclənəcəyi gözlənir.
Avqustun 13-ü və 14-də, dağlıq, dağətəyi rayonlarda şimşək çaxacağı, arabir yağış yağacağı ehtimalı var.
Bəzi yerlərdə yağıntının leysana keçəcəyi təxmin edilir .