Keçid linkləri

2017, 20 Noyabr, Bazar ertəsi, Bakı vaxtı 06:12

'Gazprom' Azərbaycana niyə qayıdır


«Gazprom»un Moskvada qərargahı

Rusiyanın «Gazprom» şirkəti Azərbaycana gəlir.

«Gazprom»un Direktorlar Şurasının sədri Azərbaycanda şirkətin nümayəndəliyinin açılması məsələsini razılaşdırıb.

Bu haqda şirkətin məlumatında bildirilir.

Rusiyanın nəhəng qaz inhisarçısının Azərbaycandakı nümayəndəliyini bərpa etməsinə ekspertlər fərqli aspektlərdən yanaşır.

İqtisadçı Natiq Cəfərli hesab edir ki, yaxın vaxtlarda Azərbaycana Rusiya qazı tədarük edilə bilər. Ekspert bunu «mühüm hadisə» adlandırır. Onun fikrincə, Türkiyə və Gürcüstana əvvəlki sazişlər üzrə kəsir, eləcə də «AzMeCo» metanol zavodunun ildə 800 mln. kubmetr ehtiyacı Rusiya qazı hesabına təmin edilə bilər.

«Son illər ölkədə qaz hasilatı azalır. «Şahdəniz -2» layihəsinin işə düşməsinə isə iki ilə qədər vaxt qalıb. Bu müddətdə əlavə həcmlərə ehtiyac var və ehtimal ki, kəsir Rusiya qazı ilə doldurulacaq. Buna görə SOCAR və «Gazprom» Rusiya qazının Azərbaycana tədarükü barədə saziş imzalaya bilər», - N.Cəfərli bildirib.

«QAZIN ALQI-SATQISI HEÇ DƏ VACİB DEYİL»

Neft Araşdırmaları Mərkəzinin direktoru İlham Şaban isə hesab edir ki, «Gazprom»un Azərbaycanda nümayəndəliyinin bərpası bu sahədə sonrakı əməkdaşlıq planları ilə bağlı ola bilər.

«Qazın alqı-satqısı heç də vacib deyil. Məsələn, bu, servis xidməti və sahə üzrə avadanlıq istehsalı üzrə birgə müəssisələrin yaradılması məqsədi daşıya bilər», - deyən ekspertin fikrincə, iki ildir bu iki ölkə qaz sahəsində əməkdaşlıq etmir:

«Çünki İran Azərbaycana qazı daha əlverişli şərtlərlə satır. Yəni, 1 mlrd kubmetr çatışmayan qaz 2016-cı ildən bu ölkədən alınır. 2014-cü ildən isə Azərbaycan qazının Dağıstana tədarükü dayandırılıb».

XATIRLATMA

«Gazprom» şirkətinin Avropa bazarında payı 27 faizdən çoxdur. O, Azərbaycanda 6 il çalışıb. Rusiya şirkəti 2000-ci ildən 2006-cı ilədək Azərbaycana qaz nəql etmişdi.

Günün bütün mövzuları

XS
SM
MD
LG