Keçid linkləri

2024, 29 Mart, Cümə, Bakı vaxtı 12:56

Fransada tələbələr ölkəboyu etirazlara çıxıblar


Foto arxiv
Foto arxiv

Fransada hökumətə qarşı etirazlara indi də tələbələr qoşulub. Müxtəlif universitetlərdə təhsil alan tələblər dekabrın 5-də hökumətin təhsildə apardığı islahatlara etiraz olaraq küçələrə axışıblar.

Hökumətin iqəbul etdiyi islahatlara yanacağın qiymətinin qaldırılmasından savayı, həm də ali təhsil müəssisələrinə qəbul zamanı tələbələr arasında ilkin seçim edilməsi və təhsil haqqının artırılması daxildir.

Tələbələr buna etiraz olaraq dekabrın 5-də Tluza ətrafındakı məktəblərdən birini yandırıblar.

Yanğınsöndürənlər alovu dərhal söndürsələr də binaya xeyli ziyan dəydiyini deyirlər.

Bundan sonra etirazçılar şəhərin küçələrinə axışıb, zibil qablarını yandırıb, mağaza vitrinlərini sındırıb və hökumət əleyhinə şüarlar səsləndiriblər.

Polis nümayişi dağıtmaq üçün gözyaşardıcı qazdan istifadə edib.

Tələbə etirazları demək olar ki, bütün Fransaya yayılıb.

Bu aksiyalarda Paris, Marsel, Nitsa, Lion, Orlean, Versal və digər şəhərlərdə təhsil alan tələbələr iştirak ediblər.

Qeyd edək ki, hökumətin bir neçə sahədə, o cümlədən yanacağın qiymətinin artırılması, təhsil sistemində dəyişikliklərə dair islahatlar paketi bir neçə həftədir ölkə boyu "sarı gödəkcəlilər" adı almış etirazlara səbəb olub. Artıq kütləvi aksiyalara görə Fransa hakimiyyəti yanacağın qiymətinin artırılması barədə qərarının icrasını 6 aylığa dayandırmaq qərarına gəlib.

Həmçinin elektrik enerjisinin bahalaşmayacağını və avtomobillətə texniki baxışın sərtləşdirilməyəcəyini vəd edib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG