Keçid linkləri

Təcili xəbərlər
2020, 24 Oktyabr, şənbə, Bakı vaxtı 02:37

Fransada pandemiya məhdudiyyətləri aradan qaldırılıb, amma tam yox...


Paris, turistlər yenidən Luvr muzeyində, 6 iyul 2020

Pandemiya ilə bağlı martın 24-dən Fransada tətbiq edilən sanitariya rejimi ilə bağlı tətbiq olunan məhdudiyyətlər iyulun 11-də aradan qaldırılıb. Yalnız iki xarici departamentdə - Guiana və Mayotte - təcili tədbirlər oktyabrın 30-dək davam edəcək.

Pandemiya ilə bağlı martın 24-dən Fransada tətbiq edilən sanitariya rejimi ilə bağlı fövqəladə məhdudiyyətlər iyulun 11-də aradan qaldırılıb. Yalnız iki xarici departamentdə - Guiana və Mayotte - təcili tədbirlər oktyabrın 30-dək davam edəcək. "Mond" qəzetinin yazdığına görə, Qvianada epidemiyanın pik nöqtəsinin iyulun ortalarında olacağı gözlənilir.

Məlumatlara görə, fövqəladə tədbirlərdən sonra tətbiq edilən xüsusi keçid rejimi dörd ay davam edəcək. Fransada keçid tədbirlər haqqında qanun iyulun 2-də qəbul edilib və bir həftə sonra Konstitusiya Şurası tərəfindən təsdiqlənib.

Beynəlxalq Fransız radiosunun verdiyi xəbərə görə, Mənzil Siyasəti nazirinin vədinə əsasən, təcrid zamanı otellərdə və digər qurumlarda yer alan evsizlər küçələrə göndərilməyəcək - hakimiyyət onları yeni yerlərlə təmin etməlidir.

Fransada epidemiya yayıldıqdan bəri evsizlər üçün 21 min yeni yer yaradılıb - bu yerlərin yarıdan çoxu təcili sanitariya qanununa əsasən otellərin payına düşüb.

İyulun 11-dən etibarən Fransada 5 min nəfərə qədər adamın qoşula biləcəyi kütləvi tədbirlərə icazə verilir. Stadionlar və hippodromlar açılır. İyulun 12-də Le Havre-də Paris-Sent-Germain və Le Havre komandaları arasında yoldaşlıq oyunu keçiriləcək - bu epidemiyadan sonra Qərbi Avropadakı azarkeşlər üçün ilk açıq oyun sayılır. 25 min nəfərlik stadionda maska taxmalı və oturarkən məsafəni müşahidə etməli olan yalnız beş min azarkeş olacaq.

Avropa limanları arasındakı dəniz gəzintilərinə gəlincə, onun perspektivləri hələ də AB-nin bütün dəniz dövlətlərinin nümayəndələri arasında müzakirə olunmaqdadır.

XS
SM
MD
LG