Fransa kosmik qüvvələrin milli komandanlığını yaradır.
AzadlıqRadiosunun AFP və dpa agentliklərinə istinadla verdiyi məlumata görə, bunu iyulun 13-də ölkə prezidenti Emmanuel Macron bəyan edib. Yeni komandanlıq hərbi-hava qüvvələrinin nəzdində yaradılacaq.
Macron belə bir bəyanatla, Bastiliya qalasının alınması günü münasibətilə keçirilən milli bayram ərəfəsində çıxış edib. Ənənəyə görə bu milli bayramda Yelisey düzündə böyük hərbi parad keçirilir.
Makcron qeyd edib ki, Fransanın kosmik potensialının inkişafı və möhkəmlənməsi üçün bu ilin sentyabrında böyük kosmik komandanlıq yaradılacaq və sonda bu ölkənin Hərbi-hava kosmik qüvvələrinə çevriləcək.
Qeyd edək ki, bu ilin fevralında ABŞ-da da kosmik ordu yaradılıb.
ABŞ prezidenti Donald Trumpın fərmanı ilə kosmik qüvvələrin qərərgah rəisi ABŞ hərbi-hava qüvvələri qərargah rəisləri birgə komitəsinin tərkibinə daxil edildi.
ABŞ-ın Kosmik ordusunun sayı 15-20 min arasındadır.
