Keçid linkləri

2024, 19 Mart, çərşənbə axşamı, Bakı vaxtı 13:39

Pandemiya etirazları. Peyvəndlər bahalanır


Berlində etiraz
Berlində etiraz

Pfizer vaksini 15.50 avrodan 19.50 avroya (23.15 dollar) qalxıb

Nümayişlərə rəsmi qadağa qoyulmasına baxmayaraq minlərlə insan Berlin küçələrinə çıxaraq hökumətin COVID-19-a yoluxmaları önləməyi hədəfləyən tədbirlərinə etiraz edib.

Polisin avqustun 1-də bildirməsinə görə, bəzi etirazçılar polis əməkdaşlarına “hücum edib”, Almaniya paytaxtında nəqliyyatın işini pozmağa çalışıb.

Həkim: 'Azərbaycanda dördüncü dalğa başlayır, amma...'
Gözlə

No media source currently available

0:00 0:03:27 0:00

600-dən çox saxlanan

Polis təxminən 5 minədək etirazçının küçələrə çıxdığını, 600-dən çox insanın saxlandığını bildirir.

“Onlar polis zəncirini qırmağa, əməkdaşlarımızı itələməyə çalışıblar. Nəticədə qıcıqlandırıcı maddələrə, dəyənəyə, fiziki zorakılığa əl atılıb”, – Berlin polisi tvitində yazıb.

Nümayişlər Almaniyanın digər şəhərlərində də keçirilib. Bundan öncə isə hakimlər həftəsonuna planlaşdırılan bir sıra yürüşlərə icazə verməyib. Məhkəmələr bunu nümayişçilərin maska taxmaq, sosial məsafəni gözləmək qaydalarına necə əməl edəcəyi ilə bağlı narahatlıqla izah edib.

“Querdenker” hərəkatı indiyədək ölkədə koronavirus qadağalarına ən böyük etirazları təşkil edib. Ancaq bir çox hallarda antivirus tədbirlərinin pozulmasına görə dağıdılıb.

Almaniya daxili kəşfiyyat xidməti hərəkat üzvlərini müşahidə altına aldığını bildirib. Onların sağ qanad ekstremizmi ilə əlaqələri sarıdan narahatlıq var.

Fransa

Qonşu Fransada da oxşar nümayişlər keçirilib. İyulun 31-də paytaxt Parisdə və digər şəhərlərdə sağlamlıq pasportunun tətbiqinin planlaşdırılmasına qarşı onminlərlə insan küçələrə çıxıb.

Artıq üçüncü həftəsonudur Prezident Emmanuel Makronun COVID-19 tədbirləri etirazlara səbəb olur. Hökumət adamları peyvənd olunmağa həvəsləndirir, vaksin etdirməyənlərə qarşı məhdudiyyətlər tətbiq edir.

Daxili İşlər Nazirliyi ölkə boyunca 180-cən etiraz aksiyasına 204 minədək insanın çıxdığını bildirir. Etirazlar əsasən dinc keçib, ancaq Parisdə toqquşmalar olub.

Peyvəndlərin qiyməti qaldırılıb

Bu arada “The Financial Times” qəzeti Pfizer və Moderna şirkətlərinin Avropa Birliyinə son təchizat kontraktlarında COVID-19-a qarşı vaksinlərini bahalandırdığını yazıb.

Pfizer vaksini 15.50 avrodan 19.50 avroya (23.15 dollar) qalxıb.

Moderna vaksininin dozası isə 19 avrodan 25.50 dollara yüksəlib. Bu, daha öncə razılaşdırılan 28.50 dollardan azdır, çünki sifarişin həcmi artıb.

Şirkət rəsmiləri məsələni şərh etməyiblər.

Avropa Komissiyasının ötən həftə bildirməsinə görə, yayın sonunacan AB-də böyüklərin azı 70 faizini tam peyvəndləməyi hədəfləyir.

Britaniya isə gələn aydan 32 milyon britaniyalıya gücləndirici (buster) doza təklif edəcək. Bunu avqustun 1-də “The Telegraph” yazıb.

Məlumata görə, kampaniya sentyabrın 6-da başlana, plan üzrə getsə dekabrın əvvəlinə tamamlana bilər.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG