Keçid linkləri

Təcili xəbərlər
2018, 17 Dekabr, Bazar ertəsi, Bakı vaxtı 20:20

Əliyevləri tənqid edən türk kanalının yayımı Azərbaycanda dayandırıldı


FOX TV screenshot.

Türkiyənin FOX TV kanalının yayımı Azərbaycandakı bəzi kabel televiziyalarında dayandırılıb.

Fevralın 22-si axşam saatlarından bu kanalın yayımı Azərbaycandakı analoq, rəqəmsal və IPTV yayım növlərində yoxdur. FOX Türk kanalı digər bir TV kanal ilə əvəz olunub.

*Youtube Kanalımıza abunə olun - Hər gün canlı yayım izləyin

Ailə TV bundan yalnız bir cümlə ilə bəhs edir və bunu Milli Televiziya və Radio Şurasının göstərişi ilə izah edir.

Buna da bax:​ Vitse-prezidentə müraciətlər başladı

Ancaq Şuranın saytında bu barədə məlumat verilmir. MTRŞ-dan məsələyə, hələlik, aydınlıq gətirmək mümkün olmayıb.

Bir gün əvvəl, fevralın 21-i həmin kanalın xəbərlər proqramında Azərbaycanla bağlı süjet efirə verilmişdi. Orada prezident İlham Əliyevin xanımı Mehriban Əliyevanı birinci vitse prezident təyin etməsi aparıcının gülüşü ilə təqdim edilmişdi.

Buna da bax: ‘İndiki halda ya qanun dəyişməli, ya Əliyevlər boşanmalıdır’ [video]

FOX kanalının həmin xəbərlər proqramı Azərbaycandakı sosial şəbəkələrdə də qızğın müzakirəyə səbəb olmuşdu. Bəzilər yazırdılar ki, artıq, Azərbaycan gülüş hədəfinə çevrilib.

“Yəqin ki, FOX kanalının yayımı Azərbaycanda dayandırılacaq” - deyə bəzi insanlar da ehtimallarını yazırdılar.

Sənin fikrin

Şərhləri göstər

Günün bütün mövzuları

XS
SM
MD
LG