Keçid linkləri

2024, 19 Mart, çərşənbə axşamı, Bakı vaxtı 12:25

Trump-ın keçmiş müşaviri Senatın tələbinə tabe olmur


Keçmiş milli təhlükəsizlik müşaviri Micjhael Flynn
Keçmiş milli təhlükəsizlik müşaviri Micjhael Flynn

Ağ Evə özünün Rusiya hökuməti ilə əlaqələrinə dair yanlış məlumat verdiyinə görə istefaya getmiş milli təhlükəszilik müşaviri Michael Flynn, Rusiyanın 2016-cı il ABŞ seçkisinə mümkün müdaxiləsini araşdıran Senat komitəsinin tələb etdiyi sənədləri təqdim etməkdən boyun qaçırıb.

Flynn-in bu barədə mayın 22-də Senatın kəşfiyyat komitəsinə ünvanladığı məktub, Rusiyanın müdaxiləsi və FTB-nin Trump-ın yaxın adamlarına dair apardığı təhqiqat barədə yeni suallar doğurur.

Senatın kəşfiyyat komitəsi Flynn-ə ona aid e-mail və başqa sənədləri təqdim etməsini tələb edən çağırış göndərmişdi.

Flynn-in vəkili komitəyə bildirib ki, onun müştərisi özünü ittihamın bir hissəsinə çevirməmək məqsədilə sənədləri təqdim etmək istəmir. Vətəndaşları onlara qarşı ittihama səbəb ola biləcək sənədləri könüllü şəkildə təqdim etməkdən azad edən bu müddəa ABŞ Konstitusiyasında təsbit edilib.

Lakin eyni zamanda bu hərəkət Konqresi aldatmaq ittihamı ilə nəticələnə bilər ki, bu da artıq cinayət tərkibi təşkil edir.

Senat komitəsindəki vəzifəli üzvlərin mayın 22-də verdikləri bəyanatda Flynn-in təhqiqatla əməkdaşlıqdan boyun qaçırmasından narahatlıq ifadə edilir.

Bəyanatda deyilir ki, Komitə Flynn-dən tələb olunan bütün müvafiq sənədlərin təqdim edilməsi üçün imkanlarından tam istifadə edəcək.

Bəyanatı komitənin sədri, respublikaçı Richard Burr və demokrat Mark Warner imzalayıblar.

Flynn hazırda özünün Rusiya və Türkiyə əlaqələrinə görə həmçinin federal hüquq-mühafizə orqanları və Müdafiə Nazirliyinin baş müfəttişliyi tərəfindən araşdırılır.

Bundan əlavə FTB Trump-ın yaxın adamlarının Rusiya rəsmiləri ilə əlaqələrini tədqiq edir.

FTB-nin direktoru James Comey Trump tərəfindən işdən qovulduqdan sonra Ədliyyə Nazirliyi Rusiya əlaqələri ilə bağlı araşdırmalara rəhbərlik etmək məqsədilə keçmiş FTB başçısı Robert Mueller-i xüsusi prokuror təyin edib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG