Keçid linkləri

2024, 21 İyun, Cümə, Bakı vaxtı 06:12

Keçmiş İran prezidenti Rəfcəncaninin qızı həbs olunub


Polis maşını yandırıldı: İranda etirazlar davam edir
Gözlə

No media source currently available

0:00 0:02:29 0:00

Polis maşını yandırıldı: İranda etirazlar davam edir

Keçmiş millət vəkili və qadın hüquqlarının müdafiəçisi Faizə Haşemi deyib ki, qadınlar 1979-cu il inqilabından sonra icbari olmuş hicaba məcbur edilməməliydilər

İranda keçmiş prezident Əkbər Haşemi Rəfsəncaninin siyasi fəallığı ilə tanınan qızı Faizə Haşemi Tehranda naməlum ittihamla həbs edilib.

İran İslam İnqilabı Keşikçiləri Korpusuna (İİKK) bağlı Təsnim xəbər agentliyi bildirir ki, o sentyabrın 27-də Tehran şəhərində “iğtişaşları qızışdırdığına” görə həbs olunub.

Agentlik bunu da bildirir ki, Faizə Haşeminin iddia olunan “təxribatı” uğursuzluğa düçar olub və o adamları küçələrə çıxara bilməyib.

Həbsindən əvvəl xanım Haşemi demişdi ki, hakimiyyət son 12 gündə ölkəni lərzəyə gətirmiş etirazları məqsədli şəkildə “iğtişaş” adlandırır:

"Etirazları görənlər bilirlər. Gənclər zibil qutularına ona görə od vururlar ki, təhlükəsizlik qüvvələri onlara qarşı gözyaşardıcı qazdan istifadə edir. Onlar təhlükəsizlik əməkdaşlarını özlərini müdafiə etmək üçün döyürlər”.

“İnqilab şüarları gənclərə yaddır”

Faizə Haşemi yaydığı səs yazısında daha sonra deyirdi ki, gənclər hicab məsələsi ilə bağlı etiraz edirlər:

"Bu onu göstərir ki, bizim gəncliyimiz gələcək istəyir, həyat istəyir. Onlar rejimi devirməyə çalışmırlar, hərçənd belə də ola bilər”.

İran boyunca etirazlar sentyabrın 16-da 22 yaşlı gənc qadın Məhsa Əmini hicab qaydasını pozduğuna görə polisə aparıldıqdan və orada vəfat etdikdən sonra başlanıb.

Etirazçılar qadının polis məntəqəsində döyülərək öldürüldüyünü iddia edirlər.

AzadlıqRadiosunun Fars xidməti - Radio Fərdaya verilmiş səs yazısında bildirilir ki, indiki etirazların iştirakçılarının tələbləri başqa etiraz tələblərindən fərqlənir.

İndiyədək keçirilən aksiyalarda adamlar yaşayış səviyyəsinin aşağı olmasından və iqtisadi durumlarından şikayətlənirdilər:

"Belə tələblər həmişə olub və yenə də olacaq. Gənc nəslə İslam inqilabının şüarları yaddır”.

İranda 6 güllə ilə öldürülən Nəcəfi TikTok sosial şəbəkəsində aktiv imiş
Gözlə

No media source currently available

0:00 0:02:53 0:00

“Hakimiyyətdə qalmaq üçün o qədər haqsızlıq törədirlər ki...”

Keçmiş millət vəkili və qadın hüquqlarının müdafiəçisi Faizə Haşemi deyib ki, qadınlar 1979-cu il inqilabından sonra icbari olmuş hicaba məcbur edilməməliydilər.

O bildirib ki, ruhani hakimiyyət son illərdə “diktaturaya” çevrilib:

"Onlar hakimiyyətdə qalmaq üçün o qədər haqsızlıq törədirlər ki...”

Faizə Haşemi bunu da qeyd edib ki, hakimiyyətin azad seçkilər kimi mənalı islahatlara gedəcəyinə inanmır.

Xanım Haşemi mühafizəkar İbrahim Rəisini hakimiyyətə gətirmiş seçkini boykot etməyə çağırmışdı.

O habelə demişdi ki, İran hakimiyyətinin düzgün olmayan siyasəti ölkənin üzərinə ABŞ sanksiyalarının qoyulması ilə nəticələnib.

Silsilə həbslər tarixçəsi

Haşemi 2016-cı ildə İranda təqib olunan Bəhayi icmasının başçısı ilə görüşdüyünə görə Tehranın Evin həbsxanasına salınmışdı.

Ümumiyyətlə isə İslam hakimiyyətinin qurucularından olmuş keçmiş prezidentin qızı indiyədək bir neçə dəfə həbs olunub.

O 2009-cu ilin böyük etirazlarında iştirak etmiş, 2012-ci ildə “sistemə qarşı təbliğat” apardığına görə həbs edilmişdi.

Faizə Haşemi demişdi ki, İranın İİKK-nin ABŞ-ın sanksiyalar siyahısından çıxarılmasını tələb etməsi ölkəyə ziyan vurur.

Bəzi məlumatlara görə Haşemi Məhəmməd peyğəmbərin arvadı Xədicəni “biznes qadını” adlandırmış və demişdi ki, bu, qadınların da iqtisadiyyat sahəsində çalışa biləcəklərini göstərir.

O az sonra bu qeydlərinə görə üzr istəməli olmuşdu.

Haşeminin həbsindən az əvvəl hicab etirazlarını dəstəklədiklərinə görə onlarca fəal, 20-dək jurnalist və 4 hüquqşünas həbs olunmuşdu.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG