Türkiyə prezidenti Racep Tayyip Erdogan deyir ki, Rusiyadan alınan S-400 raketlərinin ölkədə yerləşdirilməsi 2020-ci ilin aprelinədək başa çatdırılacaq.
Qeyd edək ki, Türkiyənin bu addımı, onun NATO-dakı müttəfiqləri, xüsusilə də ABŞ-la münasibətlərini gərginləşdirib.
ABŞ artıq buna görə Türkiyəyə qarşı sanksiyalar tətbiq etməyə hazırlaşır.
AzadlıqRadiosunun Reuters və digər Qərb agentliklərinə istinadla verdiyi məlumata görə, Erdogan 2016-cı il 15 iyul dövlət çevrilişi cəhdinin ildönümü münasibətilə çıxışında deyib ki, artıq Rusiyadan 8 təyyarə yük gətirilib və proses davam edir.
Erdogan 2 gün əvvəl deyib ki, ABŞ prezidenti Donald Trump-ın Türkiyəyə qarşı sanksiyalardan imtina etmək səlahiyyəti var və bu mübahisədə “qızıl ortanı” məhz Tramp tapa bilər.
ABŞ Dövlət katibi Mike Pompeo isə “Washington Post”-a müsahibəsində deyib ki, burda qanun sanksiyalar tətbiq edilməsini tələb edir və əmindir ki, prezident Donald Trump qanuna əməl edəcəyik.
“Bloomberg”-in məlumatına görə, ABŞ prezidentinin müşavirləri bu günlərdə Türkiyəyə qarşı 3 sanksiya paketinə baxıb.
Buna da bax: Avropa İttifaqının Türkiyəyə sanksiyalar qoyacağı gözlənilir
Rusiya ilə Türkiyə S-400 raketləri ilə bağlı müqaviləni 2017-ci ildə imzalayıblar. Sövdələşmənin dəyəri 2,5 milyard dollardır.
ABŞ buna görə Türkiyəyəartıq F-35 qırıcı təyyarələrinin satışını dayandırıb.
ABŞ və NATO bundan əvvəl dəfələrlə deyirlər ki, Rusiya istehsalı olan S-400 zenit-raket kompleksi F-35 təyyarələri barədə məxfi informasiyalar əldə edə bilər . Bundan başqa həmin kompleksləri NATO ordusuna uzlaşdırmaq mümkün deyil.
