Keçid linkləri

2017, 13 Dekabr, çərşənbə, Bakı vaxtı 18:51

Erdogan: "Biz Rusiyadan S-500 raketləri də almaq istəyirik"


Vladimir Putin və Recep Tayyip Erdogan

“Rusiyadan S-400 zenit-raket sistemləri alınmasında heç bir problem yoxdur və Ankara gələcəkdə Rusiyadan S-500 raketləri almağı planlaşdırır”.

Türkiyənin “Haber Turk”televiziya kanalı-nın oktyabrın 13-də verdiyi məlumata görə, bunu Türkiyə prezidenti Racep Tayyip Erdogan bəyan edib.

“S-400 raketləri ilə bağlı elə bir problem yoxdur. İlkin mərhələdə birgə istehsal nəzərdə tutulmur. Ümid edirik ki, buna ikinci mərhələdən başlanacaq” Erdogan deyib.

S-400
S-400

O qeyd edib ki, Türkiyə S-400 raketləri ilə bağlı danışıqları yekunlaşdırmaq istəmir və bizim Rusiya prezidenti Vladimir Putinlə S-500 raketləri barədə də danışığımız olub.

Qeyd edək ki, Türkiyənin xarici işlər naziri Mevlut Cavusoglu oktyabrın 9-da bəyan edib ki, əgər birgə istehsallla bağlı razılaşma olmasa Türkiyə S-400 raketlərindən imtina edə bilər.

Türkiyə prezidenti Racep Tayyip Erdogan sentyabrın 12-də Moskva ilə Ankaranın S-400 raketləri barədə razılaşma imzaladıqlarını bəyan edib.

Vladimir Putin və Recep Tayyip Erdogan
Vladimir Putin və Recep Tayyip Erdogan

Sentyabrın sonunda bu məlumatı Rusiya prezidentinin hərbi-texniki əməkdaşlıq məsələləri üzrə köməkçisi Vladimir Kojin də təsdiqləyib.

Amma Kojin qeyd edib ki, S-400 raketlərinin istehsalı ilə bağlı Türkiyəyə texnologiya verilməsi məsələsi müzakirə olunmur.

Buna da bax: Rusiya Türkiyəyə S-400-ləri satır, ‘sirlərini’ yox

Günün bütün mövzuları

XS
SM
MD
LG