Sentyabrın 22-si Nyu-Yorkda Azərbaycan xarici işlər naziri Elmar Məmmədyarovla ATƏT-in Minsk qrupu həmsərdləri arasında görüş keçirilib.
Bunu Xarici İşlər Nazirliyinin (XİN) mətbuat katibi Hikmət Hacıyev bildirib.
H.Hacıyevin sözlərinə görə, görüş iki saata yaxın çəkib.
Görüş BMT-nin 72-ci sessiyası çərçivəsində baş tutub. Orada Dağlıq Qarabağ münaqişəsinin müzakirə edildiyi bildirilir.
Bu gün, sentybarın 23-də isə ATƏT həmsədrlərinnin iştirakı ilə E. Məmmədyarov və Ermənistan xarici işlər naziri Edvard Nalbandyanın görüşü nəzərdə tutulur.
XATIRLATMA
Qarabağ münaqişəsi 1988-ci ildə başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi, ona bitişik yeddi rayon və bəzi əlavə kəndlər işğal edilib.
Dağlıq Qarabağ münaqişəsinin həlli ilə bağlı sülh danışıqları ATƏT-in Minsk qrupu həmsədrlərinin vasitəçiliyi ilə aparılır. ABŞ, Rusiya və Fransa həmsədr dövlətlərdir.
Minsk qrupu tərəflərə indiyə kimi, əsasən, üç təklif verib. Münaqişənin paket həlli, münaqişənin mərhələli həlli və «Ümumu dövlət» konsepsiyası.
Birinci varianta görə, işğal edilən ərazilərlə status məsələsi paket həll edilməlidir. İkinci variantda isə əvvəlcə ərazilər boşaldılmalı, sonra isə statusa baxılmalıdır. Üçüncü variantda münaqişə zonasında ümumi dövlətin yaradılmasından söhbət gedir. Azərbaycan münaqişənin mərhələli həllinə tərəfdardır. Bu variantlardan heç biri qəbul edilməyib
Daha sonra həmsədrlər əvvəlki üç varianta söykənən «Madrid prinsipləri»ni təklif ediblər.