Keçid linkləri

2017, 24 Avqust, Cümə axşamı, Bakı vaxtı 09:07

Donald Trump Dövlət katibinə Rusiya ilə münasibətlərin bərpasını göstəriş verib


Rex Tillerson

ABŞ Prezidenti Donald Trump Dövlət katibi Rex Tillersona Vaşinqtonla Moskva arasında münasibətlərin bərpasını tapşırıb.

Azadlıq Radiosunun iyunun 6-da Reuters agentliyinə istinadla verdiyi məlumata görə, bunu Tillersonun özü Yeni Zelandiyaya səfəri zamanı deyib.

Dövlət katibinin sözlərinə görə prezident ona deyib ki, Rusiyanın ABŞ-dakı seçkilərə təsiri ilə bağlı istintaqın gedişi barədə məlumatlar , Moskva ilə münasibətlərin bərpasına yönəlmiş səylərə xərər gətirməməlidir.

Amma Tillerson istintaqın detallarına aydınlıq gətirməyib, deyib ki, bu barədə onda lazımınca məlumat yoxdur.

Tillerson qeyd edib ki, Rusiya ilə münasibətləri Amerikanın milli maraqlarına cavab verən səviyyəyə qaytarmaq lazımdır.

Qeyd edək ki, hazırda Birləşmiş Ştatlarda Rusiyanın 2016-cı ildə ABŞ-da keçirilən prezident seçkisinə mümkün müdaxiləsi ilə bağlı istintaq aparılır.

Müstəntiqlər hesab edir ki, Rusiya həmin vaxt Donald Trump-ın xeyrinə , demokratların serverinə haker hücumu ilə seçkinin gedişinə təsir göstərə bilər.

Rusiya ittihamı rədd edir.

Günün bütün mövzuları

XS
SM
MD
LG