Keçid linkləri

2024, 23 May, Cümə axşamı, Bakı vaxtı 22:24

Putinə yaxın oliqarx Deripaskanın Kipr pasportu ləğv edilib


Oleg Deripaska
Oleg Deripaska

Kipr Kremllə sıx bağları olan rusiyalı maqnat, 51 yaşlı Oleg Deripaskanın vətəndaşlığını ləğv edib.

Yerli “Politis” qəzeti noyabrın 27-də yazıb ki, iki başqa Rusiya vətəndaşı da Kipr pasportlarından məhrum edilib.

Noyabrın əvvəllərində Kipr hökuməti bildirmişdi ki, ölkənin “vətəndaşlıq üçün investisya” qanunundakı boşluqların hesabına Kipr vətəndaşlığlı almış daha 26 nəfərin vətəndaşlığının ləğv edilməsi prosesinə başlayıb.

O vaxt Reuters agentliyi Kiprin hökumət mənbələrinə istinadən yazırdı ki, sözü gedən 26 nəfərdən üçü Rusiya vətəndaşıdır.

Bu xəbəri hələlik nə Deripaska, nə də Kipr hökuməti rəsmən təsdiqləməyiblər.

Kremlin sözçüsü Dmitry Peskov noyavrın 27-də Moskvada jurnalistlərə deyib ki, Kipr hakimiyyət orqanlarının Deripaskanı vətəndaşlıqdan məhrum etmək qərarının Kremlə “heç bir dəxli” yoxdur:

"Bu, Kiprin daxili məsələsdir. Bu, Kipr və Deripaskaya aid bir məsələdir”.

Deripaska və ona aid olan üç şirkət ABŞ-ın sanksiya siyahısına salınıb. Bu şirkətlər Rusiyanın Rusal alüminium zavodu, onun daxil olduğu En+ şirkəti və EuroSibEnergo enerji firmasıdır.

ABŞ Xəzinədarlığı iddia edir ki, Deripaska və başqa Rusiya oliqarxları prezident Putinə yaxınlıqlarına görə mənfəətlərnir və Moskvanın dünya boyunca “ziyanlı fəaliyyətində” iştirak edirlər.

Rusal şirkətinin nəhəngliyi ona qarşı sanksiyaların dünya metal bazarını təsirləndirməsinə səbəb olmuşdu.

Buna görə də daha sonralar ABŞ administrasiyası Rusalın üzərindəki sanksiyaların dondurlmasına şərt olaraq Deripaskaya bu firmadakı nəzarət paketindən imtina etməyi təklif etmişdi.

Deripaska bu şərti qəbul etmişdi.

O Kipr vətəndaşlığını 2017-ci ildə almışdı.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG