Keçid linkləri

2017, 19 Oktyabr, Cümə axşamı, Bakı vaxtı 07:43

Keçmiş FTB başçısının ABŞ Senatına ifadəsi qapalı davam etdiriləcək (Canlı yayım)


ABŞ-da FTB-nin keçmiş direktoru James Comey Senatın Kəşfiyyat Komitəsi qarşısında açıq ifadə verir. Comey-nin Senat komitəsi tərəfindən iyunun 7-də açıqlanmış yazılı ifadəsində deyilir ki, prezident Donald Trump ona özünün yaxın adamlarının Rusiya rəsmiləri ilə əlaqələrinə dair təhqiqatın gedişində təzyiq göstərib.

Amerikada və bütün dünya boyunca həyəcanla izlənən bu dinləməni rus dilində canlı yuxarıda izləyə bilərsiz.

***

Comey ifadəsinin əvvəlində deyib ki, “məni Konqres on il müddətinə FTB direktoru vəzifəsinə təyin etmilşdi, lakin mən indi başa düşürəm ki, prezident məni hər hansı səbəbdən və ya səbəbsiz olaraq işdən kənarlaşdıra bilərmiş”.

Suallara cavab verərkən, Comey Rusiyanın ABŞ seçki kampaniyasına müdaxiləsinə tam əmin olduğunu bildirib.

Comey deyib ki, belə bir müdaxilənin mövcudluğunu ilk dəfə 2015-ci ilin yayında bilib.

O Trump-ın onu guya işinin öhdəsindən yaxşı gələ bilmədiyinə görə vəzifədən çıxarmasına dair iddiasını rədd edib.

Comey deyib ki, əvvəllər prezident Obama ilə hər hansı danışıqlarının qeydiyyatını aparmasa da, prezident Trump-la söhbətlərinin qeydiyyatını aparıb, çünki başa düşüb ki, Trump bir gün bu söhbətlərin məzmunu barəsində yalan danışa bilər.

James Comey bildirib ki, prezident ona Rusiyaya dair təhqiqatın dayandırılması barədə birbaşa göstəriş verməyib.

O deyib ki, prezident Flynn-ə dair təhiqatın qurtarmasına ümid etdiyini bildirib. Comey deyib ki, o bunu hərəkət üçün istiqamət kimi başa düşüb.

James Comey deyib ki, prezidentin onu vəzifədə saxlaması üçün müqabilində nəsə gözlədiyini hiss edib.

Nə üçün prezidentin Rusiya təhqiqatına və Comey-nin loyallığına dair söhbətlərinin qanunsuz olduğunu prezidentin dərhal və açıq şəkildə nəzərinə çatdırmadığına dair suallara cavab verərkən Comey sarsıldığını, lakin qətiyyətli reaksiya vermədiyini etiraf edib.

Trump-la birgə şam etməyi məsələsinə gəlincə, Comey deyib ki, yemək dəvətini alanda orada başqa adamların da olacağını düşünürmüş.

Keçmiş FTB başçısı deyib ki, həmin şamı çıxmaq şərtilə heç vaxt başqa prezidentlə şam etməyib.

Keçmiş FTB başçısı deyib ki, vəzifədən Rusiyaya dair araşdırmanı apardığına görə çıxarıldığını düşünür.

James Comey deyib ki, vəzifədən çıxardılanadək Trump onun işi barəsində heç bir tənqid və narazılıq bildirməyib.

Dinləmə zamanı Comey Trump-ın seçki komandası ilə Rusiya rəsmiləri arasında kommunikasiyalara dair suallara açıq dinləmədə cavab verə bilməyəcəyini deyib.

Comey-nin sual-cavab edilməsi başa çatdıqdan sonra ABŞ Senatı Kəşfiyyat Komitəsinin sədri Richard Burr bəyan edib ki, dinləmələr az sonra bağlı qapılar arxasında davam etdiriləcək.

Günün bütün mövzuları

XS
SM
MD
LG