Keçid linkləri

Təcili xəbərlər
2019, 08 Dekabr, bazar, Bakı vaxtı 17:16

Clinton Britaniyanın ‘Rusiya hesabatını’ açıqlamamasını pisləyir


Hillary Clinton

Hillary Clinton Britaniya hökumətinin Rusiyanın bu ölkədəki siyasətə təsiri barədə hesabatı açıqlamamaq qərarını “anlaşılmaz və utancverici” adlandırıb.

2016-cı ilin ABŞ prezident seçkisində Trump-ın rəqibi olmuş Clinton noyabrın 12-də BBC-yə deyib ki, ictimaiyyət Britaniyada keçiriləcək 12 dekabr seçkisindən əvvəl parlamentin Kəşfiyyat və Təhlükəsizlik Komitəsinin hesabatı ilə tanış olmaq haqqına malikdir:

"Mən hökumətin bu hesabatı açıqlamamaq qərarına mat qalmışam…çünki bu ölkədəki hər bir kəs hesabatı seçkiyə getməzdən əvvəl görmək haqqına malikdir. Rusiyanın, xüsusilə də Qərb demokratiyalarında siyasəti formalaşdırmaq niyyətində olduğuna şübhə yoxdur. Əlbəttə bizim yox, öz xeyrinə”.

Britaniya xüsusi xidmətləri sözü gedən hesabatın ictimaiyyətə açqılanmasına xeyir-dua versə də, baş nazir Boris Johnson-un ofisi sənədin məxfi saxlanması barədə qərarında israrlıdır.

Hökumət bildirir ki, hesabatın milli təhlükəsizlik mülahizələri ilə təhlil edilməsi üçün daha çox vaxt lazımdır.

Tənqidçilər isə deyirlər ki, hesabatın açıqlanmamasına səbəb onun Johnson-un Mühafizəkar Partiyası üçün rüsvayçı ola biləcəyi ehtimalıdır.

Hakim partiya qarşıdan gələn seçkidə mütləq qələbə qazanmağa çalışır, çünki bu halda Boris Johnson Britaniyanı Avropa İttifaqından maneəsiz çıxara biləcək.

Ötən apreldə ABŞ xüsusi prokuroru Robert Mueller tərəfindən açıqlanmış hesabatda Rusiyanın 2016-cı il ABŞ seçkisinə Donald Trump-ın xeyrinə və Hillary Clinton-un ziyanına müdaxdilə etdiyi bildirilirdi.

Şərhlər

Günün bütün mövzuları

XS
SM
MD
LG