Çernoqoriya futbol millisinin serbiyalı məşqçisi Lyubiş Tumbakoviç Kosovo yığması ilə oyunda iştirakdan imtina etdiyinə görə istefaya göndərilib.
Tumbakoviçlə yanaşı onun köməkçisi Saşa Yankoviç və Serbiya doğumlu daha 2 futbolçu Filip Stoykoviçlə Mirko İvaniç də oyunda iştirak etməyiblər.
Hər iki futbolçi Belqradın "Çrvena Zvezda" klubunda oynayırlar.
Çernoqoriyanın "Vesti" qəzeti yazır ki, məşqçi və oyunçular radikal azarkeşlərin təzyiqlərinə məruz qalıblar.
Azarkeşlər onlardan, Serbiyanın tanımadığı Kosovo millisi ilə oyundan imtina etməyi tələb ediblər.
Çernoqoriyanın futbol federasiyası idmançıların hərəkətini xoşagəlməz sürpriz adlandırıb.
66 yaşlı Tumbakoviç Serbiya futbolunda ən titullu məşqçilərdən biridir.
O, Belqradın “Partizan” klubunu 6 dəfə çempion edib.
İyunun 7-də Avro-2020-nin seçmə mərhələsi çərçivəsində Podqoritsada keçirilən Çernoqoriya-Kosovo görüşü 1:1 nəticələnib.
Hər iki klubun çempionata çıxma şansı var.
Qeyd edək ki, Kosovo 2008-ci ildə müstəqilliyini elan edərək Serbiyadan ayrılıb.
ABŞ və Avropa Birliyi də daxil olmaqla 100-dən çox ölkə onun müstəqilliyini tanıyır.
Ammma Serbiya, Rusiya və Çin kimi ölkələr onun müstəqliyini tanımırlar.
