Keçid linkləri

2017, 19 Dekabr, çərşənbə axşamı, Bakı vaxtı 00:17

"Borussiya" klubunun avtobusunu partlatmaqda şübhəli bilinən rus tutuldu


Foto arxiv

Almaniya polisi Dortmundda “Borussiya” futbol klubunun avtobusuna hücumun təşkilində şübhəli bilinən Rusiya vətəndaşını həbs edib.

Bu barədə aprelin 21-də AzadlıqRadiosu Reuters və digər agentliklərə istinadla xəbər verir.

Məlumatı Almaniya prokurorluğu da təsdiqləyib.

İstintaqın məlumatına görə, həm də Almaniya vətəndaşı olan Sergei adlı həmin şəxs düşünürmüş ki, bu hücumdan sonra klubun aksiyaları düşəcək və o, bundan qazanacaq.

Məlumata görə 28 yaşlı həmin şəxsin klubda 15 min avroluq səhmləri var.

İstintaq hesab edir ki, o, partlayışı komandanın qaldığı hoteldən uzaqdan idarə olunan qurğu ilə törədə bilər.

Aprelin 11-də “Borussiya” klubunun avtobusu ətrafında törədilən kiçik partlayışda klubun ispaniyalı müdafiəçisi Marc Bartra yaralanıb.

Polis bir gün sonra islamçılarla əlbir olduğu güman edilən bir nəfər şübhəlinin həbs olunduğunu bəyan elədi.

Həmçinin həmin vaxt, partlayış yerindən bunun Allahın adından edildiyi və Almaniya təyyarələri Suriyada müsəlmanları öldürür sözləri yazılmış qeyd tapıldığı bildirilirdi.

Prokurorluq bunun terror aktı olduğunu bəyan edib.

Sənin fikrin

Şərhləri göstər

Günün bütün mövzuları

XS
SM
MD
LG