Keçid linkləri

Təcili xəbərlər
2018, 20 Oktyabr, şənbə, Bakı vaxtı 08:34

Lapshin Azərbaycana gətirildi


Bloqqer Alexander Lapshin Bakıda. 07.02.2017

Bu gün, fevralın 7-də saat 22 45 radələrində bloqqer Alexander Lapshin Belarusdan Azərbaycana ekstradisiya edilib.

A.Lapşını gətirən təyyarə Bakıda SW Biznes Aviasiyasında enib.

Elə fevralın 7-də Belarus Ali Məhkəməsi bloqqer Alexander Lapshin-in Azərbaycana ekstradisiyası haqqında qərarın qanuni olduğu qənaətinə gəlmişdi.

Bloqqer Alexander Lapshin Bakıda. 07.02.2017
Bloqqer Alexander Lapshin Bakıda. 07.02.2017

Buna da bax:​ Belarus bloqqeri Azərbaycana ekstradisiya edir

Bir qədər əvvəl Minsk şəhər Məhkəməsi onun Azərbaycana verilməsi ilə bağlı qərar qəbul etmişdi.

XATIRLATMA

Alexander Lapshin 2016-cı ilin dekabrında Azərbaycanın sorğusu əsasında Minskdə saxlanıb. Yanvarda Belarus Baş Prokurorluğu A.Lapshin-in Azərbaycana ekstradisiyası haqqında qərar qəbul edib. Bloqqer bu qərardan Minsk şəhər Məhkəməsinə şikayət verib. Yanvarın 26-da məhkəmə Belarus baş prokurorunun müavininin A.Lapshin-in təhvil verilməsi haqqında hökmünün qanuni olduğu barədə qərar çıxarıb.

Buna da bax:​ XİN: 'Bloqqerin ekstradisiyasını siyasiləşdirmək yanlışdır'

A.Lapshin Bakıda erməni separatçılarını dəstəkləməkdə, Azərbaycanın suverenliyinə və ərazi bütövlüyünə yönəlmiş çağırışlarda ittiham olunur. Onun həmçinin, Azərbaycana saxta sənədlərlə gəldiyi bildirilir.

A.Lapshin eyni zamanda İsrail və Rusiya vətəndaşıdır. Bu ölkələr onun Azərbaycana təhvil verilməsinə qarşı çıxıblar.

Sənin fikrin

Şərhləri göstər

Günün bütün mövzuları

XS
SM
MD
LG