Keçid linkləri

2017, 19 Oktyabr, Cümə axşamı, Bakı vaxtı 07:58

Biləsuvar sərhəd keçid məntəqəsi: 'Bu qədər adama 2 nəfər xidmət edir'


Biləsuvar sərhəd keçid məntəqəsi. 13mart2017

“Keçid məntəqələrində tıxac yaradan özləridir”

“Bu gün (martın 13-də) dan ağarandan Biləsuvardan İrana keçməyə yenə tıxac vardı. Dərindən müşahidə edəndə, belə nəticəyə gəlirsən ki, bu tıxacları yaradan elə gömrükçülərdir. Özü də məqsəd insanları incitməkdir. Yoxsa heç nədən bu qədər insanı məntəqəyə toplayıb sonra da tısbağa yerişiylə sənədlərini yoxlamağın, yersiz sorğu-suala tutmağın başqa nə adı var ki...”.

Buna da bax:​ Azərbaycan-İran sərhədində uzun maşın növbəsi

“Cəmi iki nəfər xidmət göstərirdi”

Biləsuvar sərhəd keçid məntəqəsi. 13mart2017
Biləsuvar sərhəd keçid məntəqəsi. 13mart2017

Bakı sakini Məzahir Rüstəmov martın 13-də səhər saatlarında Biləsuvar sərhəd-keçid məntəqəsində yaranan problemdən danışır: “Tez-tez İrana dərman almağa gedirəm. Hər dəfə də eyni əzab-əziyyəti çəkirəm. Sizə fotolar göndərirəm. Bax o fotoları mən səhər saat 10-da çəkmişəm. Ancaq adamlar səhər saat 7-nin yarısından ora toplaşmışdılar. Saat 9-da məntəqə açıldı, insan axını məntəqəyə yaxınlaşmağa başladı. Saat 10 idi, növbə gözləyən yüzlərlə insana cəmi iki nəfər xidmət göstərirdi – pasportlarını yoxlayırdı. Özü də sənədləri elə tısbağa sürətiylə yoxlayırlar ki, adamların ürəyi üzülür. İşçi qıtlığıdır ki? Qəsdən bu vəziyyəti yaradırlar. Biri ağzını açıb söz deyəndə də elə kobudlayırlar ki, adamın yeddi qatından keçir”.

“İran sərhədində növbə nədir, bilən yoxdur”

Məzahir Rüstəmov deyir, səhər saat 7-dən günortayacan növbədə dayananlar saat 1-2 radələrində sərhədi keçəndə, sanki üzərlərindən bir yük götürülür: “İran sərhədində isə növbə nədir, bilən yoxdur. İnsanlar çox rahat sənədlərini təqdim edib keçib gedirlər”.

Buna da bax:​ Astara və Biləsuvar gömrüyündə gördüklərimiz

Biləsuvar sərhəd keçid məntəqəsi. 13mart2017
Biləsuvar sərhəd keçid məntəqəsi. 13mart2017

2 il əvvəl Azərbaycan və İran hökuməti arasında Biləsuvar və Astara sərhəd keçid məntəqələrinin 24 saat fəaliyyət göstərməsinə dair razılıq imzalanıb. Ancaq razılaşma yalnız yükdaşımalara aiddir. Vaxtaşırı İrana gedən Məzahir Rüstəmovun arzusu budur ki, eyni rahatlıq piyadalara da şamil olunsun.

Siz də şikayətinizi buradan göndərə bilərsiz

  • Zəhmət olmasa təhlükəsizlik üçün nəzərdə tutulan sualları cavablayın *

ƏLAQƏ ÜÇÜN

Çəkdiklərinizi, eləcə də şikaylətlərinizi bizə WhatsApp-dan başqa,

XS
SM
MD
LG