Keçid linkləri

Təcili xəbərlər
2020, 22 Sentyabr, çərşənbə axşamı, Bakı vaxtı 12:14

'Baku Steel Company'nin 'qızı' müflisləşib


"Azərboru" zavodu

İqtisadi çətinliklər üzündən fəaliyyətini dayandıran «Azərboru» ASC-nin borcları aktivlərindən 3,6 dəfə çoxdur. Mütəxəssislər deyirlər ki, borcverənlər pullarını məhkəmə qaydasında tələb etsələr, müəssisə müflis elan edilə bilər.

İstehsal qazanc yox, ziyan gətirir

«Baku Steel Company» (BSC) MMC-nin 2013-cü ildə investisiya müsabiqəsi yolu özəlləşdirdiyi (səhmlərin 97 faizi BSC-yə məxsusdur) Sumqayıtdakı boruyayma zavodu bu günlərdə maliyyə hesabatını açıqlayıb. Hesabata görə, ASC 2014-cü ildə 4 milyon 300 min manat, ötən ilsə 13 milyon 951 min manat zərərə uğrayıb. Boru buraxılışı müəssisəyə yalnız ziyan gətirir.

Buna da bax:​ Azərbaycanda şirkətlər nələri gizlədirlər?

Təkcə bunu demək yetər ki, 2016-cı ilin əvvəlinə toplanmış toplam zərər 60 milyon 600 min manatı aşıb. Zavod öz mülkiyyətindəki əmlakı satsa və debitor borclarını yığsa da, bu, öhdəlikləri yerinə yetirməyə bəs etməyəcək. Məsələn, müəssisənin dövlət büdcəsinə və Dövlət Sosial Müdafiə Fonduna 13 milyon 200 min manat borcu yığılıb, banklara olan borcsa 10 milyon manata çatıb.

Balans hesabatına görə, sovetlər dönəmində Azərbaycanın ən iri sənaye müəssisəsi sayılan «Azərboru» ASC-nin əmlakının toplam dəyəri, cəmi 9 milyon 300 min manatdır.

«Baku Steel Company» MMC «Azərboru» ASC-nin ağır maliyyə durumundan necə çıxarılacağı barədə sualı cavablamayıb.

Buna da bax: «Zavodun sahibi nə Ramiz Mehdiyevdir, nə də Bəylər Əyyubov...»

O biri zavod da zərərdədir

«BSC»nin nəzarətindəki daha bir metallurgiya müəssisəsi – «Baku Steel Construction» ASC (səhmlərin 79,99 faizi ona məxsusdur) də ötən ili 421 min manat zərərlə başa vurub.

«BCS»nin kimə məxsusluğu dəqiq bilinmir

«BSC»nin özü illik maliyyə hesabatını ictimaiyyətə açıqlamır. Halbuki Nazirlər Kabinetinin qərarına əsasən, şirkət ölkədəki 27 ictimai önəmli qurumlardan biri kimi, hər il bunu etməyə borcludur. 2001-ci ildə fəaliyyətə başlayan bu şirkət 1 milyon 100 min ton poladəritmə gücünə sahib olduğunu bəyan edir.

Buna da bax:​ Hökumət: Ay alan, filiz saflaşdıran kombinatın səhmlərini satıram

Müşahidə Şurasının sədri Rasim Məmmədov şirkətin ona məxsus olduğunu deyir. Hərçənd, rəsmi sənədlərə görə, onun payının yarısını 2009-cu ildə yerli «Politon» şirkəti satın alıb. Azərbaycan mediasında bir neçə sənaye müəssisəsini birləşdirən bu şirkətlər qrupunun gerçək sahiblərinin hakimiyyətin ən yuxarı qatında təmsil edilən şəxslər olduğu iddia edilir.

Vergi borcunu vaxtında ödəmədiyindən, «Baku Steel Construction» ASC-nin rəhbəri Vasif Bağırovun ölkədən çıxışına qadağa qoyulub. O, eyni zamanda «BSC» Müşahidə Şurası sədrinin müşaviridir.

Buna da bax:

İşini itirən 800 fəhlədən prezidentə məktub
Gözlə

No media source currently available

0:00 0:04:39 0:00

XS
SM
MD
LG